10 Qyrkúıek, 17:48 222 0 Jańalyqtar Túrkistan Gazeti

Elbasy Parlament Májilisiniń Tóraǵasy Nurlan Nyǵmatýlınmen kezdesti

Kezdesý barysynda Májilis Tóraǵasy Nursultan Nazarbaevqa Parlament Májilisindegi Nur Otan partııasy frakııasynyń aǵymdaǵy qyzmeti men jumys josparlary týraly baıandady. Bul týraly Elbasy.kz habarlady.

- Qazirgi ýaqytta Májilistiń qaraýynda 45 zań jobasy bar. Barlyq 3 frakııa jumysqa kiristi. Bizdiń frakııanyń aldyna berilgen tapsyrmalardyń, saılaýaldy baǵdarlamanyń jáne «100 naqty qadam» Ult Josparynyń júzege asyrylýyna sapaly baqylaý júrgizý boıynsha mindetter qoıyldy, - dedi Nurlan Nyǵmatýlın.

Sonymen qatar, Elbasyǵa Eýropa jáne Azııa elderi Parlamentteri spıkerleriniń keńesine daıyndyq týraly aıtty.

- 23-24 qyrkúıekte spıkerler Keńesine álemniń 65 elinen kelgen delegattar qatysady. Elimizde osyndaı joǵary deńgeıdegi parlamenttik is-shara sońǵy 20 jylda alǵash ret ótkizilip otyr. Bıylǵy jyly Eýropa men Azııa elderi Parlamentteri spıkerleriniń keńesi Eýrazııalyq ıdeıanyń 25 jyldyǵyna arnalǵan, - dedi Parlament Májilisiniń Tóraǵasy.

Sońǵy jańalyqtar