10 Qyrkúıek, 15:58 151 0 Jańalyqtar Túrkistan Gazeti

Qytaıdaǵy eń baı adam Djek Ma Alibaba Group basshylyǵynan ketti

Djek Ma Alibaba Group dırektorlar keńesiniń tóraǵasy qyzmetinen ketedi. Bul týraly QazAqparat tilshisi habarlady.

Qytaılyq BAQ-tyń habarlaýynsha, muny ol bir jyl buryn jarııalaǵan. Dırektorlar keńesiniń tóraǵasy laýazymy qazirgi bas dırektor Danıel Chjanǵa beriledi.

Qyzmetinen ketken soń Djek Ma Alibaba Group-tiń dırektorlar keńesiniń múshesi retinde kompanııanyń 2020 jylǵy jalpy jınalysyna deıin jumysyn jalǵastyrady. Osydan keıin ol «Alibaba turaqty seriktesi» qyzmetinde bolady.

Jospar boıynsha búgin keshke Hanchjoýda Alibaba qurylýynyń 20 jyldyq mereıtoıy ótedi. Sol rásimde dırektorlar keńesiniń tóraǵasy Djek Ma qyzmetin Danıel Chjanǵa resmı túrde tapsyrady.

Qazirgi ýaqytta Alibaba Group Djek Manyń otstavkaǵa ketetini týraly resmı aqparat jarııalamady.

Djek Ma nemese Ma Iýn - qytaı kásipkeri jáne fılantrop. Ol Alibaba Group tabysty ınternet bıznes tobynyń negizin qalaýshy jáne atqarýshy tóraǵasy, Forbes muqabasyna jarııalanǵan alǵashqy qytaılyq kásipker.

Tegter Djek Ma

Sońǵy jańalyqtar