10 Qyrkúıek, 15:37 225 0 Jahan Anar LEPESOVA

Phenıan úsh aıda segiz zymyran synaǵyn ótkizdi

Búgin Coltústik Koreıa Japon teńizine qarata eki zymyran ushyrdy. Phenıan ıadrolyq baǵdarlamasynyń bolashaǵy týraly AQSh-pen kelissózderdi jalǵastyrmaq nıeti baryn bildirgen soń ile-shala zymyran ushyrǵan, dep habarlaıdy Ortalyq Azııanyń jańalyqtar qyzmeti. 

Soltústik Koreıa zymyrandarynyń qaı aýmaqqa túskeni týraly ázirge aqparat joq.

Japonııa qorǵanys mınıstrligi el aýmaǵyna Soltústik Koreıa ushyrǵan zymyrandar túskeni týraly málimet joǵyn, qazirgi kezde ulttyq qaýipsizdigine tótenshe qaýip tónip turmaǵanyn habarlady.

AQSh prezıdenti Donald Tramp pen Soltústik Koreıa basshysy Kım Chen Yn Ońtústik Koreıa men Soltústik Koreıa arasyndaǵy shekarada kezdeskennen keıin Phenıan osymen segizinshi márte zymyran synaǵyn ótkizdi.

"Amerıka daýysy" radıosy AQSh ákimshiliginiń joǵary laýazymdy ókiliniń "Biz Soltústik Koreıanyń zymyran ushyrǵanynan habardarmyz. Biz jaǵdaıdy baqylap, aımaqtaǵy odaqtastarymyzben keńesip otyrmyz" degen sózin keltirgen.

Seýl Phenıandy ballıstıkalyq zymyran ushyrýdy toqtatýǵa shaqyryp keledi. Ońtústik Koreıa bıligi zymyran synaǵy Koreı túbegindegi shıelenisti azaıtýǵa septese almaıdy dep sanaıdy. Phenıan zymyran ushyrýdy kórshi elge AQSh-pen áskerı saladaǵy yntymaqtastyǵy úshin jasalǵan eskertý dep ataǵan.

Sońǵy jańalyqtar