10 Qyrkúıek, 14:18 310 0 Ekonomıka Anar LEPESOVA

Tabys salyǵynan kimder bosatylady?

Elimizde tabys salyǵynan qandaı kásiporyndar jáne qandaı merzimde bosatylady? Bul saýalǵa búgin úkimet otyrysynda Qarjy mınıstri Álıhan Smaıylov jaýap berdi.

Memleket basshysy Qazaqstan halqyna joldaýynda barlyq shaǵyn jáne orta bıznes kásiporyndaryn tabys salyǵynan bosatýdy tapsyrǵany málim. Salyqtyq preferenııalar qaı kásiporyndarǵa áser etedi degen suraqqa mınıstr salyq zańnamasyna sáıkes jeke kásipkerler, 15 adamǵa deıin jaldamaly jumys jasaıtyn, jyldyq kirisi 30 myń AEK-ke deıin nemese jylyna shamamen 76 mıllıon teńgeni quraıtyn zańdy tulǵalar dep jaýap berdi.

Shaǵyn bıznes degenimiz – shamamen 300 adamdy jumyspen qamtyǵan kásiporyndar, olardyń jyldyq shekti kirisi 300 myń AEK-ke deıin, bul shamamen jylyna 757 mln.

«Bul uıymdar men jeke uıymdar tabys salyǵynan bosatylady: bul JTS jáne KTS. Jalpy, ótken jyly bıýdjetke mıkro jáne shaǵyn bıznesten shamamen 190 mıllıard teńge tólendi. Tıisinshe, eger biz osyndaı kompanııalar men jeke kásipkerlerdi bosatatyn bolsaq, 2020 jylǵa bıýdjettiń shyǵyny 200 mlrd. teńgeden asady. Biraq biz bul shyǵyndardy salyqtyq jáne kedendik ákimshilendirýdi jetildirý arqyly toltyrýdy josparlap otyrmyz», – deıdi Á.Smaıylov.

Sońǵy jańalyqtar