10 Qyrkúıek, 11:18 181 0 Jańalyqtar Túrkistan Gazeti

Úkimet basshysy EQQDB Dırektorlar keńesiniń múshelerimen kezdesti

Premer-Mınıstr Asqar Mamın Eýropa qaıta qurý jáne damý bankiniń (EQQDB) Dırektorlar keńesiniń múshelerimen Qazaqstan aýmaǵynda birlesken ınvestıııalyq jobalardy iske asyrýdyń keleshegi men qazirgi jaǵdaıyn talqylady. Bul týraly primeminister.kz habarlady.

Úkimet basshysy Qazaqstannyń Tuńǵysh Prezıdenti – Elbasy Nursultan Nazarbaev pen Memleket basshysy Qasym-Jomart Toqaev EQQDB qosa alǵanda, jetekshi halyqaralyq qarjy ınstıtýttarymen ornatylǵan yntymaqtastyqqa úlken kóńil bóletinderin atap ótti.

Sońǵy 27 jylda EQQDB-nyń Qazaqstanǵa salǵan ınvestıııalarynyń kólemi 260 jobadan astam – $9 mlrd-tan astamdy quraǵan, olardyń ishinde 2018 jáne 2019 jyldary 43-i boıynsha ýaǵdalastyqtarǵa qol jetkizildi.

«Biz turaqty jeke sektor negizinde ekonomıkalyq ósim modelin qurýǵa umtylamyz. 2019 jyldyń 8 aıynda Qazaqstan ekonomıkasynyń ósimi 4,3% qurady. Bizdiń strategııalyq maqsatymyz – JIÓ 5% jyl saıynǵy ósimine qol jetkizý. Ol úshin bizge jyl saıyn tartylatyn ınvestıııalar kólemin 2018 jylǵy $24 mlrd-tan 2025 jylǵa qaraı $34 mlrd-tan astamǵa arttyrý mańyzdy», — dedi A. Mamın.

QR Premer-Mınıstri EQQDB Dırektorlar keńesiniń múshelerin energetıka, «jasyl ekonomıka», turǵyn-úı kommýnaldyq sharýashylyǵy, shaǵyn jáne orta bıznesti damytý, kólik jáne qarjy sektorlary, ınfraqurylym qurylysy salalaryndaǵy jobalardy iske asyrýǵa belsendi qatysýdy jalǵastyrýǵa shaqyrdy.

Asqar Mamın EQQDB ókilderiniń nazaryn Qazaqstanda memlekettik-jekeshelik áriptestik salasynda asa iri jobany — Úlken Almaty aınalma avtokólik jolynyń qurylysyn iske asyrýda yntymaqtastyqty odan ári tereńdetýdiń mańyzdylyǵyna aýdartty, bul Qazaqstannyń tranzıttik áleýetin arttyryp qana qoımaı, Almaty qalasy men Almaty oblysynda ekologııalyq ahýaldyń jaqsarýyna yqpalyn tıgizetin bolady.

Úkimet basshysy men mınıstrler ınvestıııalyq ahýaldy jetildirý sharalary, ekonomıka jáne adamdardyń ál-aýqaty turǵysynan eldiń negizgi strategııalyq basymdyqtary týraly aıtyp berdi jáne EQQDB Dırektorlar keńesiniń músheleriniń qyzyǵýshylyq tanytqan suraqtaryna jaýap berdi.

Sońǵy jańalyqtar