10 Qyrkúıek, 10:27 211 0 Jahan Anar LEPESOVA

AQSh Reseıdegi tyńshysyn qaıtaryp aldy

AQSh 2017 jyly Reseıdiń úkimet apparatynda jumys isteıtin tyńshysyn jasyryn alyp ketken. Bul týraly Donald Tramp ákimshiligindegi derekkózine silteme jasap CNN habarlady.

Derekkózdiń sózinshe, ony alyp shyǵý jóninde sheshim shyǵarǵandar qupııa málimettermen jumys isteýde Tramp aınalasyndaǵy adamdardyń kásibıligine kúmán keltirgen. Oǵan negiz bolǵan qupııa qujattarmen jumys isteýde birneshe ret olqylyqtar oryn alǵany sebep bolǵan, dep habarlaıdy CNN. Bul Reseı bıligi dálizindegi amerıkalyq tyńshynyń ómirine qaýip týǵyzǵan.

Tyńshyny alyp shyǵý týraly sheshim 2017 jyldyń mamyr aıynda qabyldanǵan. Sol kezde Tramp Reseı syrtqy ister mınıstri Sergeı Lavrovpen jáne AQSh-taǵy Reseı elshisi bolǵan Sergeı Kıslıakpen qupııa aqparattar jóninde talqylaǵan.

Ol kezde Ortalyq barlaý basqarmasynyń dırektory Maık Pompeo bolǵan. Tramp ákimshiliginde resmı adamdarmen áńgime barysynda Pompeo Máskeýden alynǵan kóp aqparatty talqylaý qajettigine kúmán keltirgen. Osydan keıin ony tez arada alyp shyǵýǵa májbúr bolǵan.

AQSh memlekettik hatshy ókili pikir bildirýden bas tartty. Aq úı baspasóz hatshysy Stefanı Grısham "CNN materıaly qate ǵana emes, ol adam ómirine úlken qaýip keltirýi múmkin" dep málimdedi.

Sońǵy jańalyqtar