9 Qyrkúıek, 20:16 228 0 Jańalyqtar Túrkistan International Political Weekly

Nurotandyqtar eldi ózgertkisi keletin adamdar - B.Baıbek

«Nur Otan» partııasy tóraǵasynyń birinshi orynbasary Baýyrjan Baıbek «Jastar Otanǵa!» jyl saıynǵy respýblıkalyq jastar lageriniń qatysýshylarymen kezdesti.

Kezdesý barysynda jastar úshin áleýmettik lıftiler qurý, jumysqa ornalasý, jataqhana tapshylyǵy, bilim salasyndaǵy sybaılas jemqorlyqqa qarsy turý syndy máseleler kóterildi.

Baýyrjan Baıbek lager qatysýshylary tarapynan týyndaǵan saýaldarǵa jaýap bere kele «Nur Otan» partııasyn júıeli jańǵyrtý baǵdarlamasynyń  negizgi baǵyttaryna toqtalyp, naǵyz nurotandyq qandaı bolýy tıistigine qatysty oıymen bólisti.

«Nur Otan» - bul táýlik boıǵy túsinik. Sen tek saǵat 9-00-den 18-00-ge deıin ǵana nurotandyq bola almaısyń. Áıtpese bizde búgin bir nárse, erteń basqasha aıtatyn keıbir depýtattar bar. Kim bastyq ekendigine baılanysty. Bizge ondaı nurotandyq kerek emes. Olar adamdarǵa, elge kómektesý úshin kelmegen. Olar laýazymdy qyzmet atqarý jáne ózderiniń máselelerin sheshý úshin kelgender. Mine, sondaılardy anyqtap, partııa qataryn tazartý qajet. Nurotandyqtar eldi ózgertkisi keletin, ony jaqsarta túskisi keletin adamdar bolýy tıis«, - dedi Baýyrjan Baıbek.

Sonymen qatar, ol Partııa Lıderi, Elbasy Nursultan Nazarbaev «Qazaqstannyń bolashaǵy – búgingi jastar» dep jas býynǵa úlken senim artyp otyrǵanyn, el Prezıdenti Qasym-Jomart Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Joldaýynda jastarǵa beriletin bilim sapasyna aıryqsha nazar aýdarylǵanyn aıtty.

Sońǵy jańalyqtar