9 Qyrkúıek, 17:10 208 0 Densaýlyq Anar LEPESOVA

Qazaqstanda qaterli isikti jarty saǵatta emdeıtin qondyrǵy iske qosylady

Elimizde  qaterli isik, mı tamyrlary men fýnkıonaldy aýrýlardy emdeýge arnalǵan "Gamma-pyshaq"  qondyrǵysy iske qosylady. Bul týraly prezıdent Qasym-Jomart Toqaev tvıtterdegi paraqshasynda jazdy.

​"Elbasymyz Qazaqstannyń Eńbek eri mártebeli ataǵymen marapattaǵan, belgili ǵalym-neırohırýrg Serik Aqsholaqovty qabyldadym. Qaterli isikterdi, mı tamyrlary men fýnkıonaldy dertterdi emdeýge arnalǵan "Gamma-pyshaq" atty biregeı qondyrǵynyń jaqynda iske qosylatyny jóninde málim etti", - dep jazdy Toqaev.

Buǵan deıin Aqsholaqov "gamma-pyshaq" týraly Qazaqstan neırohırýrgteri IV kongresiniń kýlýarynda aıtqan edi.

"Aldaǵy on jylda aldymyzǵa múlde basqa mindetter qoıyp otyrmyz. Bul zamanaýı tehnologııalardy engizý, sonyń ishinde Gamma Knife (gamma-pyshaq) radıohırýrgııalyq ádisimen mı isikteri men mı qan tamyrlary aýrýlaryn emdeý. Bul naýqastardy kompıýterlik ádispen sáýlelendirý. Naýqas 30-40 mınýt ishinde jazylyp ketedi. 2019 jyly bul ádisti engizýdi kózdep otyrmyz", - degen bolatyn ol "Kazahstanskaıa pravda" basylymyna bergen suqbatynda.

Sońǵy jańalyqtar