9 Qyrkúıek, 16:35 183 0 Jańalyqtar Túrkistan Gazeti

Úlken Almaty shyńynda erli-zaıyptylar joǵalyp ketti

Úlken Almaty  shyńynda adasqan erli-zaıyptylar qutqaryldy. Bul týraly IIM Tótenshe jaǵdaılar komıteti habarlady.

Vedomstvo málimetinshe, 8 qyrkúıek kúni tańerteń jas jubaılar Úlken Almaty shyńy aýdanynda taýǵa joryqqa shyǵyp, keshke qaraı adasyp ketken. Keshki saǵat 21-00-de QR IIM TJK Respýblıkalyq jedel qutqarý otrıadynyń kezekshiligine erli-zaıyptylardyń baǵdardan adasyp, taýǵa joǵary shyǵyp bara jatqandyǵy týraly  habarlama túsken. Olar naqty qaı jerde ekenderin bilmegen. Týrısterdiń qıyn jaǵdaıǵa tap bolǵandyǵy týraly aqparat túskennen keıin QR IIM TJK Respýblıkalyq jedel qutqarý otrıadynyń  jedel qutqarý toby iz kesetin ıtpen birge oqıǵa ornynan attanǵan. Úlken Almaty kóli aýdanyna ketken 10  qutqarýshy men 1 iz kesetin ıt jaıaý izdeý-qutqarý jumysyna kirisken.

«Birneshe shaǵyn topqa bólingen qutqarýshylar tóńirekti súzip shyǵýdy bastady. 9 qyrkúıek kúni tańerteńgi saǵat 05-34-te qutqarýshylar 2 800 metr bıiktikten  otbasyn tapty.  Ekeýi de medıınalyq kómekti qajetsindi. Qyz taıǵanaq tastarmen órmelep kele jatqanda saýsaqtaryn aýyrtyp alǵan. Ekeýine de salqyn tıgen. Sebebi kıimderi taýly aýa raıyna saı emes. Qutqarýshylar alǵashqy medıınalyq kómek kórsetip, tómenge túsirdi. Sodan keıin zardap shekkenderdi QR IIM TJK Apattyq medıına ortalyǵynyń brıgadasyna tabystady. Al olar týrısterdi 12 qalalyq aýrýhanaǵa jetkizdi», - delingen vedomstvo aqparatynda.

Sońǵy jańalyqtar