9 Qyrkúıek, 14:28 261 0 Óndiris Túrkistan International Political Weekly

Qytaılyq iri kompanııanyń jelisi Qazaqstanda ashylýy múmkin

Qazaqstanda álemdegi eń iri Alibaba elektrondy saýda kompanııasynyń jelisi ashylýy múmkin. Bul jaıynda búgin QR Saýda jáne ıntegraııa mınıstri Baqyt Sultanov aıtty.

«Bizdiń  mınıstrliktiń negizi baǵyttarynyń biri elektrondy saýdany damytý bolmaq. Bul baǵytta úlken jumys atqaryp jatyrmyz. Taıaýdaǵy Máskeýge saparym barysynda Reseıdegi №1 jeli –Wildberries-pen kelisimge qol qoıdyq. Olar bizge, Qazaqstanda  elektrondy saýdany damytýǵa kómektesedi», - dedi ol vedomstvonyń Memleket basshysynyń taıaýdaǵy Joldaýynyń negizgi baǵyttaryn túsindirýge arnalǵan alqa otyrysynda.

Sonymen qatar mınıstr Memleket basshysy Qasym-Jomart Toqaevtyń 11-12 qyrkúıektegi Qytaıǵa sapary barysynda  Alibaba júıesimen Tanysý josparlanyp otyrǵandyǵyn aıtty.

«Memleket basshysynyń taıaý kúnderdegi Qytaı halyq Respýblıkasyna sapar aıasynda Alibaba júıesimen tanysý josparlanyp otyr. Yntymaqtastyq jáne osy jerde menshikti jelisin damytý, elektrondy saýda júıesinde otandyq taýarlardy ilgeriletý máselesin talqylaımyz», - dedi Baqyt Sultanov.

 

Sońǵy jańalyqtar