9 Qyrkúıek, 11:14 198 0 Jańalyqtar Túrkistan Gazeti

Nur-Sultanda Eýrazııa men Azııa elderi parlamentteri spıkerleriniń IV keńesi ótedi

Parlament Májilisi Tuńǵysh Prezıdent – Elbasy Nursultan Nazarbaevtyń Eýrazııalyq ıdeıasyna 25 jyl tolýyna oraı Eýrazııa men Azııa elderi parlamentteri spıkerleriniń IV keńesin ótkizýge daıyndyq ústinde. Bul týraly Parlament Májilisiniń tóraǵasy Nurlan Nyǵmatýlın óziniń Twitter-degi paraqshasynda jazdy.

«Májilis N. Nazarbaevtyń Eýrazııalyq ıdeıasyna 25 jyl tolýyna oraı Eýrazııa men Azııa elderi parlamentteri spıkerleriniń IV keńesin ótkizýge daıyndalýda. Búginde 60-tan astam eldiń parlamenttik delegaııalary men 16 halyqaralyq uıym ókilderi aýqymdy halyqaralyq jıynǵa qatysatyndaryn rastady», dep jazdy Nurlan Nyǵmatýlın óziniń Twitter-degi paraqshasynda.

«Úlken Eýrazııa: Dıalog. Senim. Áriptestik» atty halyqaralyq jıyn  2019 jylǵy 23-24 qyrkúıekte Nur-Sultan qalasynda ótedi.

Ózderiniń qatysýyn rastaǵandardyń qatarynda Eýropa, Aýstrııa, Bolgarııa, Majarstan, Germanııa, Italııa, Slovakııa, Slovenııa, Polsha, Franııa, Horvatııa, Chernogorııa syndy memleketter bar. Azııa memleketteri qatarynda - Aýǵanstan, Vetnam, Úndi, Iordanııa, Iran, Katar, Qytaı, Kýveıt, Malaızııa, BAÁ, Saýd Arabııasy, Túrkııa, Ońtústik Koreıa, Japonııa elderi bar. TMD qatysýshylarynan Ázerbaıjan, Armenııa, Belarýs, Qyrǵyzstan, Moldova, Reseı, Tájikstan, Ózbekstan delegaııalary bar.

Forýmǵa EQYU jáne UQShU parlamenttik assambleıalary Parlamentaralyq odaq, Azııa parlamenttik odaǵy, AÓSShK, IYU basqa da birqatar uıymdar qamtylǵan. Elimizde alǵash ret ótkeli turǵan forýmnyń maqsaty – eýrazııalyq memleketterdiń zańnamalyq organdary basshylarymen jan-jaqty dıalog ornatyp, parlamentaralyq yntymaqtastyqty odan ári keńeıtý.

Sońǵy jańalyqtar