9 Qyrkúıek, 10:55 185 0 Ishki saıasat Dınara MYŃJASARQYZY

105 mln tonna munaı qashan óndiriledi?

2025 jyly Qazaqstanda jyl saıynǵy munaı óndirý kólemi 105 mln tonnaǵa jetedi. Energetıka mınıstri Qanat Bozymbaev Qazaqstan munaıynyń 120 jyldyǵyn merekeleý barysynda osylaı dedi.

«Munaı-gaz salasynda birqatar iri aýqymdy jáne uzaq merzimdi ınjenerlik-tehnıkalyq jobalar júzege asyrylyp  jatyr. Munaı óndirisinde ınvestıııanyń negizgi ósimi orta merzimdi kezeńge tıesili jáne úsh jobany júzege asyrý úshin 44,5 mlrd AQSh dollary kóleminde quıylyp otyr: Teńizdi bolashaqta keńeıtý jobasy (36,8 mlrd AQSh dollary), Qashaǵannyń 1-shi kezeńin keńeıtý jobasy (2 mlrd AQSh dollary), Qarashyǵanaqtaǵy óndiris deńgeıin uzartý jobasy (4,5 mlrd AQSh dollary)», – dedi  mınıstr. Teńizde kenishti ıgerýge 46 myńnan astam qazaqstandyq jumysshy tartylǵan. Bolashaqta keńeıtý jobasyn júzege asyrý arqyly Teńizdegi munaı óndirisin aıtarlyqtaı arttyrýǵa múmkindik bar. Aıtalyq jyl saıynǵy deńgeı 2023 jyldan bastap birden 12 mln tonnaǵa joǵarylatady. Búginde Qashaǵanda mundaı óndirý kólemi táýligine 380 myń barrelge jetip otyr. Júzege asyrylatyn joba munaı óndirisin 2022 jyly táýligine 420 myń barrelge jáne 2027 jyly 500 myń barrelge jetkizýge yqpal etpek. Qarashyǵanaqtaǵy joba munaı óndirý deńgeıin uzaq merzimdi kezeńge saqtap qalýǵa múmkindik beredi.

Sońǵy jańalyqtar