7 Qyrkúıek, 11:42 288 0 Óner Túrkistan International Political Weekly

Máskeýlikter qazaq kınolaryna aǵylýda

Qazaqstannyń Reseıdegi Mádenıet kúnderi aıasynda Máskeý jurtshylyǵyna, ataqty Tretıakov galereıasynda qazaq kınosynyń injý-marjandary kórsetiledi.

8 qyrkúıekte saǵat 16:00-de qonaqtardy «Qazaq handyǵy. Altyn taq» fılminiń rejısseri Rústem Ábdirashev qarsy alady. Saltanatty ashylýdan soń kórermender arasynda tanymal bolǵan «Qazaq handyǵy. Altyn taq» fılmi kınoónerin baǵalaýshylardyń ótinishteri boıynsha Máskeý turǵyndary men qonaqtaryna qaıta usynylady. Tarıhı fılm saǵat 16:30-da bastalady.

Sol kúni saǵat 19:00-de Tretıakov galereıasy, Injenerlik korpýsynyń kınozalynda Rejısser Djeff Vespanyń «Ámire» fılminiń premerasy ótedi.

«Illıýzıon» kınoteatry  kınomarafondy jalǵastyrady. 9 qyrkúıekte saǵat 17:00-de sonaý ótken ǵasyrda, 1954 jyly jaryqqa shyqqan «Mahabbat týraly poema» fılminiń kórsetilimi bolady. Kartınanyń rejısserleri Sháken Aımanov pen Karl Gakkel. Sháken Aımanovtyń «Aldarkóse» fılminiń kórsetilimi 10 qyrkúıekte saǵat 17:30-da bastalady.

Kınomarofondy 11 qyrkúıek kúni saǵat 19: 00-de rejısser Andreı Shalop pen Kım Drýjınınniń «28 panfılovshy» kartınasy qorytyndylaıdy.

Barlyq kórsetilimderge kirý tegin. 

Sońǵy jańalyqtar