6 Qyrkúıek 2019, 19:09 525 0 Jańalyqtar Túrkistan Gazeti

Ekinshi qazaqstandyq bitimgerlik rota Lıvandaǵy BUU-nyń mıssııasyn jalǵastyrýda

Qazaqstan Qarýly Kúshteriniń 120 áskerı qyzmetshiden quralǵan ekinshi bitimgerlik rotasy bes aı kóleminde Lıvandaǵy BUU-nyń mıssııasynda qyzmet etýde.

Qazaqstandyq bitimgerik rota úndi botalonymen birge 16 shaqyrymnan turatyn senip tapsyrylǵan aımaqty torýyldaý syndy belgili mindetterdi birlese otyryp oryndaýda. Bitimgerler kún saıyn jaǵdaıdy baqylap otyrady jáne búginde ol turaqty.

Patrýldeýden basqa áskerı qyzmetshiler kúndelikti blok-beketterde qyzmet atqaryp,  áskerı bazalardy kúsheıtý men  kúzetine jaýapr beredi, Sondaı-aq úndi botalonymen birge jıi túrde avtonomdyq patrýlderge shyǵyp turady.

Bitimgershilik kontıngenti mindetteriniń biri, basqa memleketterdiń bitimgerlik kontıngentteriniń ókilderimen jáne de jergilikti halyqpen dostyq qarym-qatynasty ornatý.

«BUU-nyń Lıvandaǵy ýaqytsha kúshteri» mıssııasynyń basshylyǵy, sondaı-aq úndi batalonynyń basshylyǵy Qazaqstan armııasy áskerı qyzmetshileriniń daǵdylary men kásipqoılyqtaryna joǵary baǵa berýde. Mıssııany oryndaýdaǵy qysqa ýaqyt ishinde bitimgerlik rotanyń áskerı qyzmetshileri «kásibı-bitimgerler» degen ataqty abyroımen atqaryp shyqty.

Qazaqstan men Úndistan úkimeti arasyndaǵy «Úndi batalonynyń quramyna qazaqstandyq bitimgershilik kontıngentin ornalastyrý tártibi týraly» kelisimge sáıkes ekinshi bitimgerlik rota Lıvanǵa 6 aı merzimge birinshi rotany aýystyrý úshin jiberildi.

«BUU-nyń Lıvandaǵy ýaqytsha kúshteri» - bul Qazaqstan Qarýly Kúshteriniń tarıhyndaǵy bizdiń bitimgerlik kontıngent tikeleı qatysyp jatqan alǵashqy mıssııa. Osyǵan deıin qazaqstandyq áskerı qyzmetshiler tek baqylaýshy retinde ǵana qatysqan.

Qazaqstandyq bólimshelerdiń mıssııaǵa qatysýy halyqaralyq qaýipsizdikti nyǵaıtýǵa septigin tıgizedi jáne de Qazaqstannyń halyqaralyq qoǵamdastyqtyń jaýapty múshesi retinde bedelin arttyrady.

Tegter BUU Lıvan

Sońǵy jańalyqtar