6 Qyrkúıek, 16:47 228 0 Jańalyqtar Túrkistan Gazeti

Prezıdent Arys turǵyndaryna kómektesken qazaqstandyqtarǵa alǵys aıtty

QR Prezıdenti Qasym-Jomart Toqaev Arys qalasyndaǵy jarylysta kómek kórsetken qazaqstandyqtarǵa alǵys aıtty, dep habarlaıdy Qazaqparat tilshisi.

«Osydan eki jarym aı buryn Arys qalasynda bolǵan jarylystyń elimizge qanshalyqty aýyr tıgenin jaqsy bilesizder. Bul tótenshe oqıǵa tek Qazaqstannyń turǵyndaryn ǵana alańdatyp qoıǵan joq. Alys-jaqyn elder de nıettestik bildirip, shynaıy qoldaý kórsetti. Halqymyz birtutas el bolyp, Arys turǵyndaryna qol ushyn berdi. Árbir oblys bul qalany qalpyna keltirý jumysyna belsendi túrde atsalysty. 24 maýsym halqymyzdyń taǵy bir synaqtan súrinbeı ótken kúni retinde tarıhta qaldy. Arys turǵyndarynyń tynyshtyǵy buzylǵanymen eldiń rýhy túsken joq. Árıne, eń ókinishtisi jarylys saldarynan birneshe azamatymyz qaza tapty. Biz qaza bolǵandardyń týystary men jaqyndarynyń qaıǵysyna ortaqtasa bildik», - dedi Memleket basshysy Aqordada Arys qalasyn qalpyna keltirýge qatysqandardy marapattaý rásiminde.

Prezıdent qıyndyqqa qaramaı tutas bir qalanyń turǵyndaryn qaýipsiz jerge kóshirýdi naǵyz erlik dep atady.

«Bul bar-joǵy eki saǵattyń ishinde júzege asty. Bizdiń tarıhymyzda bundaı jaǵdaı bolǵan emes. Qalany kóshirý týraly der kezinde sheshim qabyldaýdyń arqasynda qaýip-qaterdiń aldyn aldyq. Qarapaıym eńbek adamdary syn saǵatta sabyr saqtap, eren erliktiń úlgisin kórsetti(...) Men turǵyndardy qaýipsiz jerge kóshirgen jáne panalatqan azamattarǵa zor rızashylyǵymdy bildiremin. Zardap shekkenderdi emdep, olardyń ómiri úshin kúrsken dárigerlerge alǵys aıtamyn. Dál osyndaı tótenshe jaǵdaıda azamattarymyz bir adamdaı jumylyp, bir jaǵadan bas, bir jeńnen qol shyǵaryp, eńbek etti. Bul bizdiń halqymyzǵa tán erekshe meıirim men qaıyrymdylyq, parasattylyq dep bilemin», - dedi Qasym-Jomart Toqaev.

Tegter Prezıdent Arys

Sońǵy jańalyqtar