5 Qyrkúıek, 19:19 438 0 Jańalyqtar Túrkistan Gazeti

Qazaqstandyqtar men sheteldikterdiń jalaqysy qalaı teńestiriledi

QR Premer-Mınıstriniń orynbasary Jeńis Qasymbek qazaqstandyqtar men sheteldikterdiń jalaqysyn teńestirý jumystary jóninde aıtyp berdi.

«Jazda dál osy másele jıi kóterildi. Onyń basty sebebi – jergilikti bilikti mamandardyń jetispeýshiligi. Sondyqtan Qazaqstan men Qytaıdyń birlesken 55 jobasy boıynsha yntymaqtastyq aıasynda ınvestorlar osy kásiporyndardyń bolashaq qyzmetkerlerin oqytýǵa mindettelgen. Máselen, Aqtoǵaı – Shyǵys Qazaqstandaǵy iri taý-ken kásiporny mys kenin qazyp, konentrat shyǵarady. Vahtalyq ádispen jumys isteıdi. Bul kásiporyndy turǵyzýda qazaqstandyqtardyń bári oqytýdan ótti. Bozshakólde de osy ustanym boldy. Shynynda da, másele óte ózekti. Prezıdent Úkimetke tapsyrma berdi, onymen qazir Úkimet pen Eńbek mınıstrligi aınalysyp jatyr», - dedi J. Qasymbek.

Onyń aıtýynsha, eń aldymen qazaqstandyq jumysshylardyń biliktiligin kóterý qajet. «Ekinshiden, qaǵıdalar saqtalýy tıis, eger Qazaqstan azamaty sheteldikpen birdeı jumys atqarsa, tólemaqy da birdeı bolýy kerek. Bul máselemen quqyq qorǵaý organdary aınalysyp jatyr», - dedi Jeńis Qasymbek.

Tegter jalaqy

Sońǵy jańalyqtar