5 Qyrkúıek, 10:58 541 0 Aımaq Túrkistan Gazeti

Álem jýrnalısteri – Túrkistanda

«Rýhanı jańǵyrý» baǵdarlamasynyń «Jahandaǵy zamanaýı qazaqstandyq mádenıet» jobasyn halyqaralyq deńgeıde tanytý maqsatynda sheteldik jýrnalısterdiń qatysýymen oblystaǵy tarıhı-mádenı oryndarǵa baspasóz týry uıymdastyryldy. Túrkistan oblysyna bir top sheteldik basylymdardyń tilshileri kelip, Arystanbab, Qoja Ahmet Iasaýı kesenelerine saıahat jasady.

Aýstrııa, Germanııa, Italııa, Ońtústik Koreıa, Qytaı, Mysyr, Uly­brı­tanııa, Úndistan, Franııa, Shveııa, Shveıarııa syndy memleketterdiń 20-ǵa jýyq jýrnalısi Turan dalasynyń tarıhymen tanysýdy Arystanbab kesenesinen bastady. Ondaǵy kóne jádigerlerdiń arhıtektýralyq ereksheligi men tarıhı mán-mańyzy jýrnalısterdiń qyzyǵýshylyǵyn oıatty.

Munan keıin «Otyrar» memlekettik arheologııalyq qoryq-mýzeıi men kóne Otyrar qalashyǵyn aralap kórdi. Arnaıy jaıylǵan dastarqandaǵy ulttyq taǵamdardan dám tatty. Budan soń jýrnalıster Túrkistandaǵy Qoja Ahmet Iasaýı kesenesinde de boldy. Túrki áleminiń rýhanı astanasy sanalatyn Túrkistan shaharynyń baı tarıhymen tanysqan sheteldik áriptester Áziret Sultan memlekettik tarıhı-mádenı murajaı-qoryǵyn da aralap kórdi.

«Jahandaǵy zamanaýı qazaqstandyq mádenıet» jobasy sheńberinde ótip jatqan baspasóz týrlary týrızmdi damytýǵa jáne  Qazaqstannyń oń ımıdjin qalyptastyrýǵa yqpal etedi.

 

«Túrkistan-aqparat»

Sońǵy jańalyqtar