3 Qyrkúıek, 16:31 340 0 Ishki saıasat Dınara MYŃJASARQYZY

Qazaqstandaǵy rýmyn-moldovan Assoıaııasynyń bolashaǵy

2002 jyly rýmyn jáne moldovan halqynyń ókilderi birigip,  Qazaqstandaǵy rýmyn-moldovan Assoıaııasyn qurdy. Bul eki halyqtyń birigýine olardyń tiliniń, dini men mádenıetiniń, etnıkalyq negiziniń ortaqtyǵy sebepshi bolǵan-dy. Sonymen birge, olardy osy mádenı qundylyqtardy, salt-dástúrin saqtaý qajettiligi biriktirdi.

Assoıaııanyń ashylý saltanatyna oraı Rýmynııadan óner ujymdary shaqyryldy. Assoıaııa jumysynyń alǵashqy jemisi - balalar ulttyq bı ansambliniń qurylýy bolatyn.

Qazaqstandaǵy rýmyn-moldovan Assoıaııasy elimizdegi mádenı sharalardyń barlyǵyna derlik belsene atsalysady. Sondaı-aq, Assoıaııa sheńberinde dástúrli "Merıshor" kóktem merekesin, pravoslavtyq Pasha meıramyn atap ótedi jáne Assoıaııa músheleriniń shyǵarmashylyǵy týraly kórmeler uıymdastyrylyp otyrady. Assoıaııanyń suranysy boıynsha Rýmynııa úkimeti joǵary oqý oryndarynda jastardy oqytýǵa arnalǵan granttar bóldi. Búgingi kúni eki bala Býhareste bilim alýda. Assoıaııa qyzmetindegi asa mańyzdy jetistigi – konlagerlerde qaza bolǵan 900 rýmyn áskerı tutqynynyń esimderin anyqtap, tizimin jasaýy boldy. Sonymen birge, Assoıaııanyń bastamasymen Qaraǵandyda olardyń qurmetine arnalǵan eskertkin ornatyldy. Bul eskertkishti 2003 jyly 9-qyrkúıekte Rýmynııa Prezıdenti Qazaqstanǵa jasaǵan resmı sapary barysynda ashqan edi.

Rýmyndar men moldovandar kóp ultty Qazaqstan halqymen etene aralasyp, teń quqyqty jaǵdaıda ómir súrip jatyr. Olar ulttyq turǵyda eshbir qysym kórip otyrǵan joq jáne óz Otanyn erekshe qurmet tutady.

«Strýgýrash» atty moldovan mádenı ortalyǵy Almatydaǵy moldovan dıasporasyn biriktirý maqsatynda 2006 jyly 1 naýryzda ashyldy. Qurylǵanyna eki jarym jyl ǵana ótse de, Qazaqstannyń barlyq aımaqtarynda turatyn moldovandardy biriktirýshi ortalyqqa aınalyp úlgerdi. Munda moldavan dıasporasynyń ókilderi túrli máseleler boıynsha keńes alýǵa, mádenı-rýhanı kómek alýǵa degen ótinishterimen kelip jatady.

2005 jyly 27 tamyzda mádenı ortalyq Moldovanyń táýelsizdigi kúnin atap ótse, sol jyly qyrkúıekte Almatydaǵy qarttar úıinde qaıyrymdylyq sharasyn uıymdastyrdy. Bul sharada mádenı ortalyq ókilderi aǵa býyn ókilderimen suhbattasyp, olarǵa konerttik baǵdarlama men syılyqtaryn usyndy. 2005 jyly qarashada moldovan mádenı ortalyǵynyń jetekshileri “Lýchshıe programmy Sodrýjestva” atty I halyqaralyq telebaıqaýynyń jýrnalısterimen kezdesý ótkizdi. Sondaı-aq, ortalyq Rojdestvo meıramyn atap ótip, áıgili moldovan aqyny Ion Krıangeni eske alý keshin uıymdastyrdy. Mádenı ortalyq tarapynan Jeńis kúnine oraı Uly Otan soǵysy ardagerlerine árdaıym qurmet kórsetilip otyrady.

Sońǵy jańalyqtar