2 Qyrkúıek 2019, 13:39 794 0 Bilim Túrkistan International Political Weekly

«Arystanda» alǵashqy qońyraý soǵyldy

«Arystan» mamandandyrylǵan lıeıinde dástúrli alǵashqy qońyraý 2019 jyly 2 qyrkúıekte lıeı alańynda soǵyldy. Alǵashqy qońyraý úni úlken úmitpen kelgen jas júrekterdi bilim shuǵylasyna bólep, altyn uıalarymen qaýyshtyrdy, saǵynysh sezimine bóledi.

Lıeı – zamanaýı bilim berý kesheni. Ol 2011 jyly «Nursultan Nazarbaevtyń Bilim berý Qory» Qoǵamdyq qorynyń aıasynda qurylǵan. Almaty oblysy, Talǵar aýdanynyń tabıǵaty ásem Besqaınar aýylynyń aımaǵynda ornalasqan. Qazaqstannyń barlyq óńirinen kelgen 9-11 synypta oqıtyn 240 jasóspirimder munda qaıyrymdylyq negizinde bilim alady. Aldyńǵy bitirýshi túlekterimiz qazaqstandyq jáne sheteldik áskerı oqý oryndarynda óz bilimderin abyroımen jalǵastyrýda.

Lıeıdiń negizgi maqsaty – jasóspirimderdi joǵary deńgeıli bilimmen qamtamasyz etý, olardyń boıynda erlik, qajyr-qaırat, tózimdilik, joǵary mádenıet, azamattyq borysh pen jańa qazaqstandyq patrıotızmdi qalyptastyrý. Lıeı túlekteri egemendi Qazaqstan Respýblıkasynyń Qorǵanys Kúshteriniń túrli qurylymdarynda qyzmetterin adal oryndaýǵa, quqyqtyq jáne azamattyq mindetterin abyroımen atqarýǵa tıis.

Lıeıdiń oqý-materıaldyq bazasy kompıýtermen, ınterbelsendi taqtalarmen jabdyqtalǵan. Lıeı kesheni zamanaýı synyptar men laboratorııalyq keshenderdi, muǵalimderge arnalǵan turǵyn úılerdi, lıeısterdiń jatyn ornyn, basseın, sporttyq jattyǵý keshenderin, lıngafondyq kabınetterdi, medıatekalardy, mýltımedıalyq sholý ortalyǵy jáne 25 myńnan astam ǵylymı jáne kórkem ádebıetterden turatyn kitap qory bar kitaphanany qamtıdy.

QR Prezıdenti N.Á.Nazarbaev 2013 jyly sáýir aıyndaǵy kelgen saparynda «Arystan» lıeıine joǵary baǵa berip, bul qaıyrymdylyq jobasy jeke kapıtaldyń jastarǵa memlekettik-jeke menshiktik mehanızm seriktestigi arqyly qoljetimdi, sapaly bilim berýdegi jarqyn kórinisi bolyp tabylatyn aıtyp ótti.

«...Semseri bol, Otannyń qynabynda, Sertke ustasa, selt etpeı jaltyldaǵan», – dep aqyn Muqaǵalıdyń óleńderinde aıtylǵandaı, sapta turǵan jas órenderdiń kózinen otty ushqyn jarqyldaıdy. Jıyn Qazaqstan Respýblıkasynyń memlekettik Ánurany oryndalyp, lıeı basshysy pedagogıka ǵylymdarynyń doktory, zapastaǵy general-maıor Taýlanov Sábıt Sáýmenulynyń quttyqtaý sózimen ashyldy.

Lıeısterdi Bilim kúnimen zapastaǵy general-maıor, Qazaqstan QK bas shtabynyń burynǵy orynbasary, qurmetti ardager V.V.Týzıkov, ata-analar komıtetiniń bastyǵy J.N.Danıbekova, lıeı synyp jetekshileri birlestiginiń basshysy Q.T.Toǵyzbaev myrzalar quttyqtap, oqýda sáttilikter men tabys tiledi.

Saltanatty saptyq túziliste lıeısterdiń erekshe jetistikteri atalyp ótildi. «Úzdik rota», «Úzdik vzvod» aýyspaly marapattary tapsyrylyp, Lıeıdiń oqý-tárbıe isine belsene aralasqan ustazdar Salımova Nesıpgýl Tólegenqyzy, Shamganova Tazagýl Saıanovna, Mamoshkına Marına Ivanovna, Gaıbýllaeva Qundyz Gaıbýllaevna oblystyq bilim berý basqarmasynyń Qurmet gramotasymen marapattaldy.

Kez kelgen merekeniń kórki – án men kúı. Lıeı alańynda kelgen qurmetti qonaqtar men ata-analardyń, lıeısterdiń qurmetine lıeı hor tobynyń oryndaýyndaǵy «Kók týdyń jelbiregeni» jáne «Lıeı áni», 9-synyptardyń fleshmoby kóńilderdi kókke sharyqtatty. Buǵan qosa qazaq tili men ádebıeti pánderiniń muǵalimi Gýldarııa Ajıkýlovna Shoranova men 10 – synyp lıeısi Azamatuly Baımyrzanyń oryndaýyndaǵy «Ustazym meniń» áni barsha qaýymdy dán rıza qyldy.

Merekeniń jalǵasy «Arystan» mamandandyrylǵan lıeı oqýshylarynyń tolyq quramy saltanatty sherýine ulasty. Bul rásim ár lıeıstiń júregine maqtanysh sezimin uıalatady.

Osylaısha alǵashqy qońyraý úni Alataýdyń bókterin án men kúıge bólep, «Arystan» shákirtterin bilim nárimen sýsyndaýǵa shaqyryp, olarǵa shabyt pen qýanysh kúıin syılady.

Syńǵyrla, alǵashqy qońyraý! Sanaǵa bilim quıylsyn, sanaly urpaq jadyna otanshyl rýh pen tálimdi tárbıe nári túıilsin! Jastar jylynda oqýshylarymyzdyń jetistikteri kóp bolyp, mereıleri ústem tússin! Jyl boıy shákirtter oqýǵa búgingideı sergek te sezimtal shabytpen kirissin! Syńǵyrla, qońyraý!

Ýmerdjanova J.T.

Sońǵy jańalyqtar