23 Tamyz, 12:54 318 0 Jańalyqtar Túrkistan Gazeti

Tıan-Shan taýynda joǵalyp ketken alpınısterdi izdeý toqtatyldy

QR Qorǵanys mınıstriligi joǵalyp ketken alpınısterdi izdeý toqtatylǵanyn málimdedi. Óıtkeni, Qazaqstandyq qutqarýshylar Jeńis shyńyna 14 ret ushyp, alpınısterdi taba almaǵan. Bul derekti Almaty telearnasynyń saıty jarııalady.

Al jaıaý izdeý operaııasyn jasaý qar kóshkinine baılanysty múmkin emes eken.

«Izdeý jumystary 5100 - 6000 metr bıiktikte júrgizildi.  Bókterge maksımaldy jaqyndaý 70 metrdi qurady. Sholý men teplovızor arqyly izdeý nátıje bermegen. Tiri adamdardyń da, jansyz máıitter de tabylmady. Jaıaý izdeý operaııasyn júrizý múmkin emes, óıtkeni qar kóshkini qaýpi joǵary»,  dedi izdeý-qutqarý operaııasynyń jetekshisi Vasılıı Pıvov.

Aıta keteıik, almatylyq alpınıster Murat Ótepbaev, Andreı Korneev jáne Aleksandr Chechýlın Jeńis shyńyn baǵyndyrýǵa ketken edi. Alaıda olar 6600 metr bıiktikten túse almaı, baılanyssyz qalǵan kórinedi.

16 tamyzda olar sońǵy ret baılanysqa shyǵyp, Aleksandr Chechýlınniń kóz jumǵanyn aıtty. Marqumnyń denesi 6900 metr bıiktikte qaldy. Andreı men Murat tómenge túsýin jalǵastyrdy. Aýa raıyn eskergende atalǵan baǵyt boıynsha olar taý etegine keminde tórt kúnniń ishinde jetýi tıis bolǵan.

18 tamyzda Jeńis shyńyna tikushaq ushyp, alpınısterdiń izderin taba almaı qaıtty.

19 tamyzda TJM qutqarýshylary mingen tikushaq keldi.

20 tamyzda alpınıster Vasılıı Pıvov pen Maqsut Jumaev bastaǵan áskerı bort izdeýge shyǵyp, eshteńe tappady.

21 tamyzda aýa raıynyń nasharlyǵynan tikushaq kóterilmedi.

 

Tegter alpınıster

Sońǵy jańalyqtar