23 Tamyz, 11:49 445 0 Jańalyqtar Túrkistan Gazeti

Qazaqstandyq sportshy La-Mansh buǵazyn júzip ótti

Oraldyq sportshy áıel áıgili La-Mansh buǵazyn júzip ótti. Bul týraly Batys Qazaqstan oblysynyń ákimi Facebook-te jazdy, dep habarlaıdy QazAqparat.

«Jerlesimiz Ánel Sytdyqova áıgili La-Mansh buǵazyn júzip ótti! Ótken túni Ánel 38 shaqyrym qashyqtyqty 15 saǵat 15 mınýt ýaqytta gıdrokostıým kımeı júzip ótti. «Qazaqstannyń temir hanshaıymy» ataǵyn birneshe márte ıemdengen bizdiń trıatlonshymyz Ánel Sytdyqovany, bapkerlerin, jaqyndaryn tańdaı qaǵýǵa turarlyq naǵyz jeńisimen shyn júrekten quttyqtaımyn! Sportshylarymyz jetken jetistik – biz úshin de zor mártebe», - dep jazdy oblys basshysy.

«Márege sońǵy shaqyrymdar qalǵanda daýyl bastaldy. Meni aǵyn alyp ketti. Sondyqtan ýaqytym taǵy bir saǵatqa jáne qosymsha 4-5 shaqyrymǵa sozyldy. Qazylar alqasy jalpy uzaqtyqty 38 shaqyrym dep tirkedi», - dedi Ánel Sytdyqova.

Uralskweek saıtynyń jazýynsha, búginde Ánel otbasymen Anglııada turady. 9 jyl buryn túrli elderde trıatlon jarystaryna qatysa bastady. Nátıjesinde álemniń eń úzdik sportshylarynyń qataryna endi. Álııa mektepti Oral qalasynda bitirip, joǵary oqý ornyn Almatyda úzdik aıaqtaǵan. Keıin London ýnıversıtetin támamdady. Joldasy Nurlanmen birge úsh balany tárbıelep otyr. Sportshy kelinshek «Qazaqstannyń temir áıeli» tıtýlyna ıe. Ol Qazaqstan áıelderi arasynda alǵashqy Aıronmen (Ironman) jáne alǵashqy Ýltramen (Ultraman).  Atap ótilgendeı, TMD elderinde onyń jetistigine áli eshkim jetken joq.

Sońǵy jańalyqtar