23 Tamyz, 10:24 292 0 Jańalyqtar Túrkistan Gazeti

Elorda ákimi muǵalimderge turǵyn úı sertıfıkattaryn tabys etti

Astana ákimi Altaı Kólginov tamyz konferenııasynda 15 ustazǵa 1 mln teńgeden turǵyn úı sertıfıkattaryn tabys etti. Sonymen qatar 3 mekemege 10 mln teńgeden ákim granty tabystaldy. Bul týraly qala ákimdiginiń resmı saıty habarlady.

Konferenııada qala ákimi Elbasynyń bastamasymen qolǵa alynǵan «Pedagog mártebesi týraly» zań muǵalimniń mártebesin arttyryp qana qoımaı, onyń elimizdiń damýyndaǵy basty rólin de atap ótti.

«Muǵalimderge qosymsha júktemeler júkteldi, qoǵamdyq sharalarǵa tartyldy. Prezıdent pedagogtardy ózine tán emes fýnkııalardan bosatýdy tapsyrdy. Muǵalimder óz isimen aınalysýy kerek - balardy úıretip, bilim berý», - dedi A. Kólginov.

Qasym-Jomart Toqaev sondaı-aq 4 jyl ishinde jalaqyny kezeń-kezeńmen 2 esege arttyrýdy tapsyrdy. Sonymen qatar muǵalimderdi turǵyn úımen qamtamasyz etý ózekti másele bolyp tabylady. Ótken jyldan bastap jeńildikti nesıeleý úshin bastapqy jarna retinde 1 mln.teńgeden 275 turǵyn úı sertıfıkaty berildi. Kelesi jyldan bastap salynaıyn dep jatqan qoljetimdi turǵyn úı kólemi ulǵaıtylatyn bolady. Ákimniń aıtýynsha, pedagogtardyń biliktiligin arttyrý men olardy daıyndaýǵa erekshe kóńil bólý qajet. Qalada shamamen 200 muǵalim tapshy.

«Jańa oqý jylynyń aldynda biz kún saıyn bilim berý nysandaryn aralaımyz, oqý jylyna daıyndyq barysyn baqylaımyz jáne barlyq problemalardy kórip otyrmyz. Birinshiden, bul sapaly áleýmettik ınfraqurylymmen qamtamasyz etý. Tek sońǵy 10 jylda mektepter sany 1,5 esege ósti: 73 mektepten jáne 75 myń oqýshydan 108 mektepke deıin, onda qyrkúıek aıynan bastap 185 myń oqýshy oqıtyn bolady. Aldaǵy 5 jylda 40 bilim berý nysanynyń qurylysy josparlanǵan,onyń ishinde jeke ınvestorlardyń salatyn mektepteri de bar. Ekinshiden, salynyp jatqan nysandardy ınklıýzıvti bilim berý talaptaryn eskere otyryp jobalaý qajet»,-dedi A. Kólginov.

Qala ákimi azamattardy qabyldaý kezinde ata-analar balalarǵa mektep kıimin tańdaý týraly ótinish bildirgenin atap ótti. Óıtkeni usynylǵan kıim mólsheri boıynsha árqashan sáıkes kele bermeıdi jáne sapasyz materıaldardan tigiledi. Eger ótken jyly "jalpyǵa mindetti bilim berý" qory aıasynda 1700 bala kómek alsa, bıyl 9 myń ótinish túsken. Ákimdik "Atameken" kásipkerler palatasymen birge 9 dúkende mektep formasyn satyp alýǵa sertıfıkattar beredi. Ata-analar kez kelgen unaǵan taýardy tańdaı alady.

Sonymen qatar, tamyz konferenııasynda muǵalimder tek qana balalardyń bilim alýyna ǵana emes, sonymen qatar balalardyń emoıonaldyq jáne áleýmettik jaǵdaıyn jiti baqylaý qajettiligin atap ótildi. Qala ákimi ustazdarǵa eńbegi úshin alǵys aıtyp, alda aýqymdy jumys kútip turǵanyn atap ótti.

Sońǵy jańalyqtar