22 Tamyz, 17:35 308 0 Jańalyqtar Túrkistan Gazeti

Arys qalasynda 7073 úı qalpyna keltirildi

Arys qalasynda 22 tamyzdaǵy jaǵdaı boıynsha negizgi qalpyna keltirý jumystary 7073 jeke turǵyn úı men kóp qabatty úılerde aıaqtaldy, onyń 548-de kosmetıkalyq jóndeý jumystary jalǵasýda. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.

Jumysshylar 455 úıdi buzyp, qaıta turǵyzýda. Qazirgi ýaqytta 53 apatty saman úılerdiń ıelerine jańa kirpish úıler salyndy, qazir olardyń 46-ynda óńdeý jumystary júrip jatyr.

Sonymen qatar, jóndeý júrgizýmen kelispeıtin 15 turǵyn úı ıesi qalyp otyr. Shtab ókilderi daýly máselelerdi jergilikti jerlerde qarastyrýda.

Bekitilgen ýchaskede qalpyna keltirý jumystaryn tolyǵymen Jambyl, Qaraǵandy, Qyzylorda, Túrkistan, Aqtóbe, Aqmola jáne Soltústik Qazaqstan oblystarynyń sektorlary júrgizdi.

Pavlodar, Mańǵystaý oblystary, BQO, ShQO, Shymkent q.jáne Almaty q. sektorlaryndaǵy jumystar aıaqtalýǵa jaqyn.

Sonymen qatar, asa qıraǵan ýchaskelerde 5 myńǵa jýyq qurylysshy eńbek etýde. Taǵy 2 myńǵa jýyq jumysshy qalǵan 10 áleýmettik nysandy qaıta jańartýda (onyń ishinde - 3 bilim berý nysany, 4 densaýlyq saqtaý nysany, 2 sport jáne Dańq alleıasy).

Sońǵy jańalyqtar