22 Tamyz 2019, 13:35 768 0 Nur Otan Turkystan Support

Partııanyń jańa baǵyty: Naqty sheshim, senimdi dıalog

Nursultan Nazarbaevtyń tóraǵalyǵymen «Nur Otan» partııasy Saıası keńesiniń keńeı­tilgen otyrysy ótti.

Basqosýǵa Saıası keńes Bıý­ro­sy­nyń músheleri, Úkimet mú­she­le­ri, Májilis pen máslı­hat­tar­daǵy frak­­ııa ókilderi, partııanyń óńirlik fılıaldarynyń basshylary jáne olar­dyń orynbasarlary, bastaýysh par­tııa uıymdarynyń ókilderi qatys­ty.

Keńeıtilgen otyrysta kún tár­ti­bine sáıkes partııanyń saı­laý­aldy baǵ­darlamasy men sezderde qabyl­danǵan sheshimderdiń oryndalý ba­rysy, partııa jumysyn jańǵyrtý jáne Saıası keńes Bıýrosynyń qura­myna ózgerister engizý máseleleri talqylandy.

Elbasy el damýynyń strategııalyq maqsattaryna qol jetkizý úshin par­tııa­nyń qoǵamdy jumyldyrý úde­ri­sin­de mańyzdy ról atqaratynyn atap ótti.

Nursultan Nazarbaev saılaý zań­na­masyn reformalaý nátıjelerine toqtalyp, qabyldanǵan pro­por­ıo­naldy júıe ozyq álemdik tájirıbege saı keletinin jáne demokratııany damytýǵa septigin tıgizetinin aıtty.

– Partııa problemalardy naqty she­shý joldaryn usynyp, tıimdi ju­mys isteýi kerek, sonda bedelimiz de arta­dy, halyq ta qoldaıdy. Eko­no­mıka men saıası damý baǵytynda kósh­basshy atanǵan elderdiń tájirıbesinen sabaq alǵanymyz jón, – dedi Qazaq­stannyń Tuńǵysh Prezıdenti.

«Nur Otan» partııasynyń Tóraǵasy aldaǵy saılaýdyń konstıtýııalyq merzimde ótetindigin taǵy bir márte atap ótti.

– Qazir Úkimet pen búkil atqarýshy bılik bilek sybanyp, «Nur Otan» par­tııa­sy men jańadan saılanǵan Prezı­dent Qasym-Jomart Kemeluly To­qaev­tyń saılaýaldy ýádelerin oryn­daýǵa, adamdardyń naqty prob­le­malaryn sheshýge tıis. Eń aldymen, óńirlerde jurtshylyqpen tyǵyz jumys isteý qajet, – dedi Elbasy.

Qazaqstannyń Tuńǵysh Prezıdenti «Senim. Dıalog. Bolashaqqa nyq qadam – «Nur Otan» partııasynyń 7 serpini» atty partııa jumysyn júıeli jańǵyrtý baǵdarlamasyn usyndy.

Atap aıtqanda, Elbasy baǵ­dar­la­maǵa sáıkes partııanyń belsendi mú­she­l­erin toptastyrý, jemqorlyqpen kúresti kúsheıtý jáne partııadan laıyqty emes múshelerdi shyǵarý úshin sharalar qabyldaýdy, barlyq deńgeıde partııa organdarynyń áleýetin meılinshe júzege asyrýdy, bıliktiń barlyq deńgeıinde partııalyq jaýap­ker­shilikti arttyrýdy tapsyrdy.

– Partııanyń Májilistegi frak­ııa­synyń jumysyn barynsha kúsheı­tý kerek. Bul partııa mindetterin oryn­­daýdyń jáne atqarýshy or­gan­darǵa yqpal etýdiń negizgi tetigi. Frak­ııanyń mártebesin kóterý úshin onyń jetekshisi laýazymyna Májilis Tór­aǵasy Nyǵmatýllın Nurlan Zaı­rol­laulyn saılaýdy usynamyn. Ol Má­jilistiń spıkeri retinde alǵa qoıylǵan maqsattarǵa qol jetkizý jáne frakııa jumysyn qaıta jandandyrý úshin barlyq resýrstardy jumyldyra alady, – dedi Elbasy.

Sonymen qatar, Nursultan Nazar­baev halyqpen naqty jumys isteý qaǵı­datyn engizýdi, qarqyndy aqpa­rat­tyq-ıdeologııalyq jumysty uıym­dastyrýdy jáne partııa tóńiregine jas­tardy biriktirý úshin sharalar qabyldaýdy usyndy.

– Qazirgi tańda «jańa» medıa sa­la­synda shyndyqqa janaspaıtyn aqpa­rat taratýshy arnalar kóbeıip keledi. Jergilikti, qarapaıym máseleler res­pýb­lıkalyq deńgeıge deıin kóterilýde. Qoǵamdyq sanada jalǵan túsinik qalyptasýda. «Nur Otan» óziniń aq­pa­rat­tyq strategııasyn túbegeıli qaıta qaraýy qajet. Partııanyń buqaralyq aqparat quraldary obektıvti jáne jedel aqparat kózderine aınalyp, halyqtyń senimine ıe bolýǵa tıis, – dedi partııa Tóraǵasy.

Sondaı-aq, Qazaqstannyń Tuńǵysh Prezıdenti el aldynda turǵan ekono­mı­kalyq problemalarǵa toqtalyp, turaqty ósimdi qamtamasyz etetin jańa sharalar usyndy.

Atap aıtqanda, Elbasy bıznes úshin salyq aýyrt­palyǵyn tómendetý arqyly ekono­mı­kaǵa salyqtyq yntalandyrý tetikterin engizýdi usyndy.

– Sondaı-aq, bıýdjet saıasatyn qaıta qaraý qajet. Memlekettik satyp alýlar ashyq emes jáne sybaılas jemqorlyq jappaı beleń alǵan salaǵa aınaldy. Quny 1,8 trıllıon teńgeni quraıtyn memlekettik satyp alýlardyń 65 paıyzy bir kózden júzege asqan. Memlekettik satyp alýlar týraly zańdy ózgertý kerek, – dedi Nursultan Nazarbaev.

Sonymen birge, Qazaqstannyń Tuńǵysh Prezı­den­ti belsendi saýda saıasatyn júzege asyrý jáne qarjy sektoryn turaqtandyrý sharalaryn qabyldaýdyń  mańyzdylyǵyn atap ótti.

– Qazirgi tańda jasandy ıntellekt aldyńǵy qatarǵa shyqty. Ony tirshiliktiń barlyq salasyna engizý aýqymy jaǵynan ýrannyń bólinýi týraly jańalyqty ashýmen teń. Jasandy ıntellekt den­saý­lyq saqtaýdan bastap, óndiris pen qarjy sek­toryna deıingi barlyq salany túgel trans­for­maııalaıdy. Jasandy ıntellekt jańa álemdik tártip ornatyp, jańa jahandyq kóshbasshylar men aýtsaıderlerdi aıqyndaıdy. Sondyqtan biz ony qoldaý úshin qazir­den bastap aýqymdy jáne júıeli sharalar qa­byl­daýymyz qajet, – dedi partııa Tóraǵasy.

Nursultan Nazarbaev jasandy ıntellektini jan-jaqty damytýǵa múmkindik beretin zańnamalyq baza ázirleýdi, sondaı-aq, osy salany kásipkerlik jáne ǵylymı turǵydan qoldaý úshin ekojúıe qalyp­tas­tyrýdy usyndy.

– Partııanyń kúndelikti jumysyn aıtar­lyqtaı jandandyrý kerek. Biz úlken derekter men jasandy ıntellekt múmkindikterin paı­dalana otyryp, halyqtyń suranysyna aldyn ala jaýap berýdi úırenýimiz kerek, – dedi Elbasy.

Sonymen qatar, otyrys barysynda Partııa Saıası keńesi Bıýrosynyń jańa músheleri retinde «Egemen Qazaqstan» respýblıkalyq gazetiniń basqarma tór­aǵasy D.Qydyráli jáne «Jas Otan» jastar qana­tynyń kóshbasshysy D.Káribek saılandy.

 

Murat Baqtııaruly, Senat depýtaty:

Halyqpen etene jaqyn bolý mańyzdy

– Memlekettiń saıası júıesinde saıası partııalardyń orny erekshe. Elimiz táýelsizdik alǵannan keıin Qazaqstanda kóptegen saıası uıymdar men partııalar ómirge keldi. Bizde 6 partııa resmı túrde tirkelgen. Olardan Májiliske depýtat retinde saılandy da. Sonyń ishinde Májilistiń basym bóligi «Nur Otan» partııasynan saılanǵandar. Qazir «Nur Otan» partııasynyń fılıaldary, ókilderi barlyq oblysta jumys isteıdi. Sońǵy kezde partııanyń halyq arasynda bedelin arttyrý úshin tyń ózgerister engizý qolǵa alyndy. Elbasy partııanyń saıası keńesinde partııa júıesine úlken saıası reformalar júrgizý kerektigin aıtty. Azamattardyń bılikke degen senimin arttyrý úshin jumys isteý kerektigin eskertti. Partııa – kerek uıym. Menińshe, kabınettik stılde emes, halyq arasyna shyǵyp, muń-muqtajyn tyńdaý kerek. Partııanyń jańarýy, jumys isteý stılin ózgertýi durys. Sol sııaqty partııa adam sanymen emes, onyń sapasymen maqtaný kerek. Partııa quramyna otanshyl, memleketshil, ultshyl, rýhshyl, kez kelgen máselege nemquraıly qaramaıtyn júregi taza azamattar toptasqany abzal. Sonda ǵana lıderlik partııa degen sıpatqa laıyqty bolyp, áleýeti joǵarylaıdy.  

 

 

Erlan Saırov, saıasattanýshy:

Túıtkildi máseleniń biri – jastardy áleýmettendirý

– «Nur Otan» partııasy jıynynda blogerlik týraly aıtyldy. Elbasy bul týraly nege aıtty? Bul elimizdegi saıası landshafttyń ózgerip kele jatqanyn, bılik partııasynyń áleýmettik proesterge saı bolýǵa tyrysatynyn kórsetse kerek. Saıası keńeste halyqqa jaqyn bolý, eldegi áleýmettik máselelerdi utymdy sheshý jóninde aıtyldy. Búgingi qoǵamnyń negizgi suranysy – saıası modernızaııa men qoǵamdyq proesterdi lıberalızaııalaý. Partııa osyndaı trendterge sáıkes bolýy kerek. Muny partııanyń joǵarǵy menedjmenti de jaqsy túsinedi. Bul maqsatqa jetýdiń quraldary kóp. Máselen, elimizdegi eń túıtkildi máselelerdiń biri – jastardy áleýmettendirý. Odan bólek, bıliktiń halyqqa jaqyn bolýyn qamtamasyz etý máselesi bar. Menińshe, shynaıy saıası ózgeristerge jeteleıtin osyndaı negizgi trendterge sáıkes bolý – búgingi kúnniń basty talaby.

 

Aıdos Sarym, saıasattanýshy:

 Báseke bar jerde ósim paıda bolady

– Qazir qoǵamda «Partııa shyn máninde – partııaǵa aınalýy kerek» degen sóz jıi aıtylady. Shynyn aıtý kerek búgingi kúnge deıin «Nur Otan» partııasy bıliktiń bir bóligi retinde qarastyrylyp keldi. Búkil álemdik tájirıbege qarasaq, úkimettik organdar partııalyq júıe arqyly qalyptasady. Memlekettik organdar bólek, biraq saıası basshylyq partııalardyń quramynan shyǵady. Iaǵnı saılaýda jeńiske jetken partııa – bılikti qalyptastyrady, onyń búkil baǵdarlamasyn jasaýǵa qatysady. Shyn máninde demokratııaǵa jol bastaımyz deıtin bolsaq, onda saıası partııalarǵa basymdyq berilý kerek. Olardyń múmkindikteri, saıası ómirge yqpaly eselep artqany jón. Bolashaqta saıası partııalar týraly zańdar qaıta qaralyp, jańa partııalardyń paıda bolýy sekildi sharalar iske asatyn bolsa jaqsy. Shyn mánindegi saıası kóshbasshylyq monopolııa dárejesinde júzege aspaıdy. Tek báseke bar jerde ósim paıda bolady, ózara tartys, ıdeıalardyń, platforma, strategııalardyń jarysy paıda bolady. Ekinshiden, «Nur Otan»  basqa partııalardyń tirkelýine, óziniń jumysyn iske asyrýyna yqpal etip, tıisti kómegin berý kerek. Bir, bir jarym jyldan keıin bolatyn saılaý jańa saıası kúshterdiń parlamentke kelýine, olardyń máslıhattarǵa kelýine t.b yqpal etetin bolsa, onda bizdegi partııalyq júıe de durys júzege asa bastaıdy. Bir qyzyǵy Qazaqstannyń eshbir jerinde belgili bir partııa ákimdiktiń bıýdjetine nemese onyń baǵdarlamasyna balama birnárse usyndy degendi estip kórmeppin. Bizdegi saıası ómir tek Nur-Sultan men Almatynyń aıasynda ǵana ispetti. Partııalar saılaý kezinde tirilip, qaıta joq bop ketedi. Ol meniń oıymsha asa jaqsy emes. Partııa degen «bólik» degen sózdi bildirse de, durys partııalar durys saıası uıymdar kerisinshe ulttyń birigýine, eldiń tutasýyna, turaqtanýyna qyzmet etedi.

 

Sońǵy jańalyqtar