21 Tamyz, 19:30 323 0 Jańalyqtar Túrkistan Gazeti

«Men – Qazaqstannanmyn» vıdeoblogerler báıgesine 200-den asa vıdeojoba kelip tústi

Qazaqstandaǵy Jastar jyly aıasynda «A kind heart» qoǵamdyq birlestigi «I’m from Qazaqstan» atty vıdeorolıkter báıgesin uıymdastyrýda.

Elimizdiń barlyq aımaǵynan báıgege qatysýǵa 969 ótinish kelip túsken. 233 qatysýshy taqyrypqa sáıkes vıderolıkter túsirip jibergen. Fınalǵa 15 qatysýshy iriktelip alynypty.

Konkýrsqa qatysqan jobalardyń 40% Almaty qalasynan, 13% Nur-Sultan qalasynan, qalǵandary Óskemen, Shymkent, Semeı, Aqtaý, Qaraǵandy, Býrabaı, Qostanaı, Túrkistan jáne basqa da qalalar men aýyldardan kelip túsken.

Qatysýshylardyń vıdeorolkıterin Qazaqstan jáne shet elden kelgen tanymal blogerlerden turatyn qazylar alqasy baǵalaıtyn bolady.

Bas júlde - 1 000 000 teńge, ekinshi oryn ıesi – 500 000 teńge, al úshinshi oryn ıesi 300 000 teńge alady. Sonymen qatar elimizde TJ jáne avıa bıletter satý boıynsha kóshbasshy Avıata kompanııasy bir jeńimpazǵa arnaıy syıaqy daıyndady. Jeńimpazdardy quttyqtaý saltanatty rásimi 24-25 tamyzda Nur-Sultan qalasynda ótetin «Qazaqstandy tany» atty halyqaralyq blogerler forýmynda ótedi.

Báıge qorytyndysy boıynsha fınalǵa jetken qatysýshylar Qazaqstandaǵy YouTube kompanııasynyń resmı ókilimen kelisimshartqa otyryp, óz arnalarynyń daýmyna qatysty mamandardyń keńesterin alady.

Báıge sharty boıynsha qatysýshylar ózderiniń týǵan qalalary nemese aýyldary týraly qysqasha vıdeorolık túsirýi kerek. Óz týyndysynda týǵan jeri týraly, onyń qyzyqty nemese mańyzdy jerleri týraly baıandap, týǵan jeriniń týrıster úshin qandaı qyzyqtary bar ekendigi týraly aıtyp berýi qajet bolatyn.

Is-sharany uıymdastyrýshylar "Azamattyq bastamalardy qoldaý ortalyǵy" KEAQ jáne QR Aqparat jáne qoǵamdyq damý mınıstrliginiń qoldaýymen "A kind heart" qoǵamdyq birlestigi.

Jobanyń strategııalyq seriktesteri - elimizdiń eń iri ınternet BAQ – "Internet Portal NUR" JShS, Qazaqstandaǵy Youtube-tiń resmı seriktesi - "Power Media" JShS jáne týrızm salasyndaǵy Qazaqstannyń brend-menedjeri bolyp tabylatyn "Kazakh Tourizm" ulttyq kompanııasy. Joba demeýshisi  «GALANZ bottlers» kompanııasy Sevens sýymen.

Joba Qazaqstandaǵy Jastar jyly aıasynda júzege asyrylýda jáne daryndy jastarǵa kómektesý, eldegi týrızm men beınebloggıngti damytýǵa baǵyttalǵan.

Báıge men forým týraly tolyq aqparat openqazaqstan.kz saıtynda.

Sońǵy jańalyqtar