21 Tamyz, 11:45 390 0 Bilim Túrkistan International Political Weekly

Aınur Tursynbaeva stýdent atandy

Belgili aıtysker aqyn Aınur Tursynbaeva Máskeýdegi oqý ornynyń magıstranty atandy. Bul týraly aqyn Instagram jelisindegi paraqshasynda habarlady. 

"Al quttyqtap qoıyńyzdar. Búginnen bastap Moskva psıhoanalız ınstıtýtynyń magıstr-stýdentimin. Bul jerde meniń ataq-abyroıyma qaramaıdy, aqshamen tirlik bitirý degen joq!", - deıdi aıtysker.

Aqynnyń aıtýynsha, ol syrttaı oqıdy. Sabaqty onlaın oqyp otyryp, aı saıyn esep berip otyrady eken. Baǵyty - koýchıng jáne jeke konsýltaııa.

"Otbasylyq taqyryptardy qosymsha sabaq retinde oqımyn. Buıyrsa sizderdiń ıgilikterińiz úshin eńbek etetin bolamyn", - deıdi Aınur Tursynbaeva.

Aıta keteıik, Aınur Tursynbaeva aıtysta alǵash ret 1991 jyly Qaırat Rysqulbekovke arnalǵan oblysaralyq aqyndar saıysynda kózge túsken. Keıin Tóle bıdiń 330 jyldyq mereıtoıynda ekinshi oryndy jeńip alǵan. 1994 jyly Semeıde ótken qazaqtyń uly aqyny Abaıǵa arnalǵan mektep oqýshylarynyń aıtysynda bas júldeni ıelendi. Al Abaıdyń 150 jyldyq mereıtoıynda ótken respýblıkalyq aqyndar aıtysynda júldegerlerdiń qatarynan kórindi. Sondaı-aq, ol Jambyldyń týǵanyna 150 jyl tolýyna arnalǵan aqyndardyń respýblıkalyq aıtysynda 2-oryndy ıelengen. Buǵan deıin barlyǵy 34 kólik utqan.

 

Sońǵy jańalyqtar