20 Tamyz, 21:07 340 0 Áleýmet Túrkistan Gazeti

Dárigerge qol kótergen almatylyq júkti áıelge aıyppul salyndy

Almatyda qursaǵyndaǵy balasynyń júregi soqpaı tur degendi estigen kelinshek dárigerge qol kóterdi, dep habarlaıdy QazAqparat.

Almatydaǵy №7-shi qalalyq aýrýhanada shý shyǵaryp, dárigerge qol kótergen emdelýshige 25 myń teńge kóleminde aıyppul salyndy. 7-shi qalalyq aýrýhananyń gınekology Gúlmıra Jamaevanyń aıtýynsha, júkti kelinshek onyń kabınetine kirip, aqyly ÝDZ-ǵa túsken.

«Tekserilýge kelgen kelinshek oryndyqqa otyra salyp, telefon arqyly bireýmen qatty ursysty. Men odan tynyshtalýyn suradym. Sodan keıin ýltradybystyń nátıjesin berýin ótindim. Ol maǵan jatyrdaǵy uryqtyń júrek soǵysy joq ekenin aıtty. Ol ÝDZ júktiliktiń segizinshi aptasynda tústi. Negizi júrek soǵysy besinshi aptada seziledi. Men oǵan mundaı jaǵdaıda sharananyń ishte qatyp qalǵanyn, júrek soǵysy joqtyǵyn aıttym»,-deıdi dáriger.

Muny estigen kelinshek, ashýǵa boı aldyryp, dárigerdiń ústelindegi kompıýterdi laqtyryp, dárigerge qol jumsaǵan. Sosyn tirkeý bólimindegi qyzmetkerge dóreki sóılep, betine túkirip jibergen. Jumys ornynda bolǵan gınekolog naýqasty sotqa berdi. Sot oǵan dárigerdi qorlady jáne urdy dep aıyp taǵyp , 10 AEK aıyppul saldy. «Sotta ol jylady, biraq menen keshirim suramady. Sot kelinshekti kináli dep tanyp, oǵan aıyppul saldy»,-deıdi dáriger Gúlmıra Jamaeva.

Tegter Dáriger

Sońǵy jańalyqtar