19 Tamyz, 12:33 356 0 Jańalyqtar Túrkistan Gazeti

Arys qalasynda 7034 úı men 56 áleýmettik nysan qalpyna keltirildi

19 tamyz kúni Arys qalasyndaǵy 7034 úıde negizgi qalpyna keltirý jumystary aıaqtaldy. Onyń 751-de kosmetıkalyq jóndeý jumystary júrgizilýde. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.

Sondaı–aq 56 áleýmettik nysan, olar: 50 bilim berý, 4 densaýlyq saqtaý jáne 2 sport nysandary paıdalanýǵa berildi.

Qalada 7,5 myń adam jumys isteıdi, onyń 5 myńy turǵyn úı qoryn qalpyna keltirýde. Qazirgi tańda 33 apatty jaǵdaıdaǵy samandy turǵyn úıdiń ornyna qurylysshylar kirpish úı saldy. Jalpy, sarapshylardyń qorytyndysy boıynsha 455 jeke turǵyn úı qurylysynyń nysany buzylýǵa jatady. Barlyq kúshter qazir olardy qalpyna keltirýge jiberildi.

Sonymen qatar menshik ıeleriniń kelispeýi sebebinen 34 úıde jóndeý jumystary áli bastalǵan joq. Daýly máselelerdi 17 sektorda bekitilgen ákimdikterdiń ókilderi pysyqtaıdy.

Tegter Arys qalasy

Sońǵy jańalyqtar