16 Tamyz, 16:21 537 0 Jańalyqtar Túrkistan Gazeti

Aqtóbelik eriktiler 4 jastaǵy qyzdy ógeı ákesinen qutqardy

Aqtóbede 4 jastan asqan qyz anasy qaıtys bolǵan soń ógeı ákesimen qalǵan. Ishimdiktiń ortasyna aınalǵan úıden kir-qojalaq balany polıııa alyp shyqty, dep habarlaıdy QazAqparat.

Sal aýrýyna shaldyqqan balanyń múshkil háli týraly eriktilerge áleýmettik jeli arqyly habar túsken. Habar bergen aqtóbelik ol úıdiń ishimdik uıasy, ashýly adamdardyń densaýlyqqa zııan keltirýi múmkin ekenin de eskertti. Eriktiler janyna polıııa qyzmetkerlerin ertip, 4 jastan asqan qyzdy úıden alyp shyqty.

«Eki jyl buryn qyzdyń ákesi qaıtys bolyp, anasy azamattyq nekedegi kúıeýimen turǵan. Tamyz aıynyń 8-inde anasy kóz jumyp, kishkentaı múgedek qyz ógeı ákesiniń qaraýynda qalǵan. Bul úı ishimdik ishetin adamdardyń jerine aınalyp ketken. Biz polıııamen birge baryp, kishkentaı qyzdy alyp kettik. Qyzdyń kúıi adam shoshyrlyq jaǵdaıǵa túsken. Shashy taralmaǵan, beti jyrylǵan. Áreń tynys alady, ókpesi syryldaıdy. Dene qyzýy kóterilip, derti asqyna túsken. Keıin qalalyq qorǵanshylyq organdarymen birge «Úmit» sábıler úıine aparyp, baqylaýǵa aldyq. Biz aldaǵy ýaqytta da baryp, kómek kórsetip turamyz», - dedi erikti Ekaterına Golotına. «Úmit» sábıler úıine qabyldanǵan 4 jastaǵy qyz qazir em alyp jatyr. Dárigerlerdiń aıtýynsha, balanyń jaǵdaıy ortasha aýyr. «Týa bitti júrek aýrýymen esepte tur. Oǵan kezinde ota da jasalǵan. Ári anasynan balasyna JITS juqpaly aýrýy berilgen sekildi. Bul dıagnoz áli anyqtalady», - dedi sábıler úıiniń bólim meńgerýshisi Nurgúl Sarmanova.

Sońǵy jańalyqtar