16 Tamyz 2019, 10:26 615 0 Týrızm Túrkistan International Political Weekly

Túrkistanǵa sheteldik jýrnalıster keldi

Túrkistan oblysyna bir top sheteldik basylymdardyń tilshileri kelip, Arystanbab, Qoja Ahmet Iasaýı kesenelerine saıahat jasady.

Elbasynyń «Rýhanı jańǵyrý» baǵdarlamasynyń «Jahandaǵy zamanaýı qazaqstandyq mádenıet» jobasyn halyqaralyq deńgeıde ilgeriletý sheńberinde sheteldik BAQ ókilderiniń qatysýymen ótken «mádenı» baspasóz-týry Qazaqstan Respýblıkasy Syrtqy ister mınıstrligi jáne Túrkistan oblysy ákimdiginiń uıymdastyrýymen ótti.

Aýstrııa, Germanııa, Italııa, Koreıa, Qytaı, Mysyr, Ulybrıtanııa, Úndistan, Franııa, Shveııa, Shveıarııa syndy memleketterdiń, atap aıtqanda «Specchio Economico» (Italııa), «Global Times» (Qytaı), «Le Figaro» (Franııa), «Korean Broadcasting System» telearnasy (Koreıa), «The Holiday Magazine» (Ulybrıtanııa) 20-ǵa jýyq jýrnalısi turan dalasynyń tarıhymen tanysýdy aldymen Arystanbab kesenesinen bastady.
Ondaǵy kóne jádigerdiń arhıtektýralyq ereksheligi men tarıhı mán-mańyzy jýrnalısterdiń qyzyǵýshylyǵyn oıatyp, tań-tamasha etti.
Munan keıin «Otyrar» memlekettik arheologııalyq qoryq-mýzeıi men kóne Otyrar qalashyǵyn aralap kórdi. Arnaıy jaıylǵan dastarhandaǵy ulttyq taǵamdardan dám tatty.
Sheteldik jýrnalıster aıaldaǵan kelesi oryn – Túrkistandaǵy Qoja Ahmet Iasaýı kesenesi boldy. Túrki áleminiń rýhanı astanasy sanalatyn Túrkistan shaharynyń baı tarıhymen tanysqan baspasóz-týrynyń qatysýshylary, Áziret Sultan memlekettik tarıhı-mádenı murajaı-qoryǵyn da aralap kórdi.
Aıta keteıik, QR Syrtqy ister mınıstrligi Qazaqstandaǵy saıası jáne ekonomıkalyq oqıǵalardy jarııalaý úshin sheteldik tilshilerdiń baspasóz-týrlaryn turaqty túrde uıymdastyryp otyrady.
Sonymen qatar, «Jahandyq álemdegi qazirgi qazaqstandyq mádenıet» jobasy sheńberinde ótip jatqan bul tórtinshi baspasóz týry týrızmdi damytýǵa jáne jalpy Qazaqstannyń damyp kele jatqan memleket retindegi oń ımıdjin qalyptastyrýǵa atsalysady.

 

Sońǵy jańalyqtar