13 Tamyz, 18:13 355 0 Ekonomıka Túrkistan Gazeti

Ulttyq ekonomıka mınıstri qaı oblystar artta kele jatqanyn aıtty

Búgin Úkimet otyrysynda Ulttyq ekonomıka mınıstri Rýslan Dálenov óńirlerdiń 2019 jyldyń qańtar-shildedegi áleýmettik-ekonomıkalyq kórsetkishterin aıtty. Bul týraly BAQ.KZ aqparattyq agenttigi habarlaıdy.

"Ónerkásip boıynsha 3 oblys artta qalyp kele jatqan óńirlerdiń qatarynda. Atap aıtsaq, Qyzylorda (-9,6%), Batys Qazaqstan (-3,8%) jáne Mańǵystaý (-1,4%) oblystary. Bul óńirlerde munaı jáne gazkondensatyn óndirý qysqarǵan. Aýyl sharýashylyǵy boıynsha barlyq óńirlerde ósý qamtamasyz etilgen. Aıtarlyqtaı ulǵaıýdy Aqmola oblysy (11,1%) kórsetip otyr. Qurylys boıynsha teris serpin Shymkent qalasynda(-34,4%), Mańǵystaý oblysynda (-30,4%) jáne Nur-Sultan qalasynda (-12,5%) saqtalýda", - deıdi Dálenov.

Onyń aıtýynsha, birqatar óńir birneshe kórsetkish boıynsha jaqsy serpin kórsetýde. Bul ónerkásip, óńdeý, ken óndirý, aýyl sharýashylyǵy, qurylys, turǵyn úılerdi paıdalanýǵa berý jáne ınvestıııalar salalary boıynsha.

"Qostanaı oblysynda 6 kórsetkish, Túrkistan jáne Shyǵys Qazaqstan oblystarynda – 5 kórsetkish, Atyraý, Qaraǵandy, Qyzylorda jáne Batys Qazaqstan oblystarynda – 3 kórsetkish joǵary ósýdi kórsetýde. Mańǵystaý oblysy, Nur-Sultan jáne Shymkent qalalary boıynsha birneshe kórsetkish boıynsha tómendeý baıqalady", - deıdi mınıstr.

Buǵan deıin Úkimet otyrysynda Ulttyq ekonomıka mınıstri Rýslan Dálenov bıylǵy jyldyń 7 aıynda jalpy ishki ónimniń ósýi 4,2%-ǵa deıin jedeldegenin aıtqan bolatyn.

Tegter Ekonomıka

Sońǵy jańalyqtar