13 Tamyz, 17:58 344 0 Aımaq Túrkistan Gazeti

Ózbekstanda Qyzylorda oblysynyń óner kúnderi ótkiziledi

Qyzylorda oblysy mádenıet salasynyń ókilderi Ózbekstan Respýblıkasyna attanyp ketti. Mádenıet maıtalmandary kórshiles elde Qyzylorda oblysynyń óner kúnderin ótkizedi, dep habarlaıdy QazAqparat tilshisi.

Atalmysh shara Tuńǵysh Prezıdent - Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamasy boıynsha Qazaqstannyń Ózbekstandaǵy jyly aıasynda uıymdastyrylyp otyr. Osynyń nátıjesinde eki el arasyndaǵy dostyq qarym-qatynas pen mádenı yntymaqtastyqty damytýǵa mán beriledi.

Sondaı-aq, Qyzylorda oblysy óneri men Syr súleıleriniń shyǵarmashylyǵyn nasıhattaýǵa nazar aýdarylady. Óner kúnderi aıasynda Tashkentte N.Bekejanov atyndaǵy qazaq mýzykalyq drama teatry Raqymjan Otarbaevtyń «Narkom Júrgenov» spektaklin jergilikti jurtshylyq nazaryna usynady. Mádenı shara barysynda qyzylordalyq sýretshilerdiń kórmesi, Naýaı qalasynda Qyzylorda oblysy óner sheberleriniń konerti uıymdastyrylady.

Sonymen qatar, Ózbekstannyń qazaqtar kóbirek mekendegen Tamdy, Úshqudyq, Konımeh aýdandarynda oblystyq fılarmonııanyń dástúrli oryndaýshylarynyń ekspedıııalyq konerti ótkiziledi josparlanyp otyr. Qyzylorda oblysynyń Ózbekstandaǵy óner kúnderi 13-19 tamyz kúnderi ótkiziledi.

Sońǵy jańalyqtar