13 Tamyz, 17:43 200 0 Bıznes Túrkistan Gazeti

Aqtóbe oblysynan QHR-ǵa muzdatylǵan sıyr etiniń birinshi partııasy jóneltildi

«AkTep» JShS-men 20 tonna muzdatylǵan súıeksiz sıyr eti vakýýmdyq qaptamada Qytaı Halyq Respýblıkasyna jóneltildi, dep habarlaıdy QR Aýyl sharýashylyǵy mınıstrliginiń baspasóz qyzmeti.

Baspasóz málimetterine qaraǵanda, agrarlyq nesıe korporaııasy etti tuqymdy iri qara maldy satyp alý arqyly asyl tuqymdy sharýashylyq-reprodýktordy qarjylandyrýdy júzege asyrdy. Qaryz somasy - 9,3 mlrd teńge. Sondaı-aq Agrarlyq nesıe korporaııasy mal bordaqylaý alańyn toltyrý úshin taýarlyq mal satyp alýdy da qarjylandyrdy.

Aıta ketý kerek, ol QHR-ǵa jetkiziledi. Taýarlyq mal satyp alý 2,13 mlrd teńgege júzege asyryldy. «Aktep» JShS úsh jyl boıy Agrarlyq nesıe korporaııasynyń adal klıenti bolyp tabylady. Osy ýaqyt ishinde korporaııa 13 myńnan astam asyl tuqymdy – tóldeıtin mal basyn satyp alýdy qarjylandyrdy.

Tek aǵymdaǵy jyldyń ózinde-aq Avstralııadan, AQSh pen Reseıden 5 myńnan astam asyl tuqymdy iri qara mal basy satyp alyndy. Agrarlyq nesıe korporaııasy qarjylandyratyn joba qýatty Aqtóbe jáne Batys Qazaqstan oblystarynda tóldeıtin iri qara mal basyn ulǵaıtýdy kózdeıdi. «Aqtóbe et klasteri» JShS - bul joǵary sapaly sıyr etin óndirýge mamandanǵan eksporttyq-baǵyttalǵan et kombınaty. Kásiporyn et klasteri óndirisiniń tolyq ıklyndaǵy sońǵy aıaqtaýshy nysan bolyp tabylady. Kombınat et óńdeý salasyna tolyq qyzmet kórsetedi jáne óziniń bordaqylaý bazasy bar «AkTep» JShS-men aıryqsha jetkizý sharty bar. Satyp alynǵan mal IQM baǵýda tájirıbesi bar aýyldyq kooperatıvterge jalǵa beriletin bolady. Orta eseppen bes sharýa qojalyǵynan turatyn bir kooperatıvke 1000 bas iri qara mal beriledi. Osylaısha, «AkTep» JShS tarapynan reprodýktorlardy salýǵa kúrdeli jumsalymdarsyz-aq oblysta jyl boıy bordaqylaý alańyna jáne et kombınatyna et baǵytyndaǵy sapaly maldardy jetkizetin asyl tuqymdy sharýashylyqtar qurylatyn bolady.

Búgingi kúni «Alashankoý fýksın treıd», «Sıtık», «Shenchjen Veı Djıa ınterneıshenel Treıd» kompanııalarmen et jetkizý boıynsha memorandýmdarǵa qol qoıylǵan. Boljamdy jetkizý kólemi jyldyń sońyna deıin 4000 tonna sıyr etin quraıdy.

 

 

Tegter QHR Et eksporty

Sońǵy jańalyqtar