13 Tamyz, 17:28 205 0 Ekologııa Túrkistan Gazeti

Elorda ákimdigi qaladaǵy ıesiz saıabaqtardy jańǵyrtý jumystaryn qolǵa almaq

Astana ákimi Altaı Kólginov Esil ózeni boıyndaǵy saıabaqty jaıaý aralady. Bul týraly elorda ákiminiń baspasóz qyzmeti habarlady.

Baspasóz málimetterine qaraǵanda, park aýmaǵy 113 gektar. Saıabaqta velosıped joldary, júgirýge arnalǵan joldar bar. Alaıda, saıabaqtyń qazirgi jaǵdaıy nashar. Saıabaq aýmaǵynda kóshe shamdary jumys istemeıdi. Saıabaqtyń aǵashtary bolsa kútilmeı, keýip ketken. Atalmysh saıabaqta tártip saqtalýyn tek bir ǵana adam qadaǵalaıdy. «Saıabaqtyń ishinde kameralar ornatý máselesin qaraý qajet. Saıabaqty abattandyryp, ishin retke keltirý kerek. Turǵyndarymyzdyń densaýlyǵy úshin paıdaly oryn. Sebebi júgiretin jáne velosıped joldary bar. Saıabaqty jańǵyrtý máselesin «Almaty» aýdany ákimdigi qolǵa alatyn bolady, saıabaq turǵyndar úshin demalys orny bolýy kerek», - dedi A.Kólginov. Astanada ıesiz qalǵan 10 saıabaq pen gúlzar bar. Ákimdik aýmaqty abattandyryp, qaraýyna alý boıynsha jumystar júrgizýde.​

Sońǵy jańalyqtar