13 Tamyz, 17:18 192 0 Jahan Túrkistan Gazeti

Prezıdent BUU Bas hatshysyna kóńil aıtý jedelhatyn joldady

Qazaqstan Prezıdenti Qasym-Jomart Toqaev BUU Bas hatshysy Antonıý Gýterrıshke kóńil aıtý jedelhatyn joldady. Memleket basshysy Qazaqstan halqynyń jáne jeke óziniń atynan Bengazıdegi jarylys saldarynan qaza tapqan BUU-nyń Lıvııadaǵy mıssııasy qyzmetkerleriniń otbasylary men jaqyndaryna kóńil aıtty. Bul týraly Aqordanyń baspasóz qyzmeti habarlady.

«Bul zulymdyqqa toly lańkestik shabýyl izgilik pen janashyrlyq qundylyqtaryn dáripteıtin qasıetti musylman merekesi – Qurban aıt qarsańynda jasalǵany asa jan túrshigerlik jaǵdaı bolyp tabylady. Álemdik qaýymdastyqtyń zorlyq-zombylyqqa qarsy birlesken jáne batyl kúreske shaqyratyn úndeýin berik qoldaı otyryp, Qazaqstan lańkestiktiń eshqandaı túri men kórinisin qabyldamaıdy. Biz BUU qyzmetkerleriniń jahandyq uıymnyń ıgi maqsattaryna qol jetkizý jolyndaǵy qyzmetin joǵary baǵalaımyz», – delingen jedelhatta.

Sońǵy jańalyqtar