12 Tamyz, 11:46 252 0 Áleýmet Túrkistan Gazeti

Qazaqstanda jumyssyzdyq deńgeıi 4,8% boldy

2019 jylǵy shildede Qazaqstanda jumyssyz júrgen 440,9 myń adam tirkelgen, bul jumys kúshi sanynyń 4,8%-yn quraıdy (maýsymda 4,8%). Mundaı derekti QR UEM Statıstıka komıteti jarııa etti, dep habarlaıdy QazAqparat.

Resmı derek boıynsha, osy jyldyń shilde aıynyń sońynda QR jumyspen qamtý organdarynda jumyssyz retinde 172,7 myń adam nemese eldiń ekonomıkalyq belsendi halyq sanynan 1,9%-y resmı túrde tirkelgen.

Jasyryn jumyssyzdyq deńgeıi 2019 jyldyń sáýir-maýsymynda jumys kúshi sanynyń 0,3 paıyzyna (30,4 myń adam) teń boldy.

Osy jyldyń shildesinde respýblıkanyń ekonomıkasynda 8,8 mln adam jumyspen qamtylǵan.

Eńbekke tartylǵan halyqtyń arasynda 6,7 mln adam (jumyspen qamtylǵandardyń jalpy sanynan 76,1 paıyzy) jaldamaly eńbek etedi.

Avtory Ashat Ahmetbekov

Tegter jumyssyzdyq

Sońǵy jańalyqtar