7 Tamyz, 23:24 418 0 Bilgenge marjan "Túrkistan" gazetiniń avtorlary

Kúshikbaı týraly ańyz

Shyǵys Qazaqstan Oblysy,  Abaı aýylyna qarasty eldi mekende  qazaqtyń nar tulǵaly batyry Kúshikbaı atamyzdyń asýy ornalasqan. Bul asýdan qys kezinde ótý qıyn. Semeıdegi ashyq, jelsiz kún asýǵa taıanǵannan-aq borandatyp, qarlatyp turady. Bul kezdi jergilikti halyq "Kúshikbaı batyr ashýlanyp jatyr" desedi.

Halyq aýyz ádebıetine súıensek, erterekte osy mańdy mekendegen Kúshikbaı atty Ýaqtyń batyry  bolypty. Kúshikbaı atamyz erjúrek, qaıratty da qaharly bolǵan eken. Aınaladaǵy jaý batyrdan  qorqyp, jolaı almapty. Kúnderdiń bir kúninde Kúshikbaı syrqattanyp, tósek tartyp jatyp qalady. Osyny paıdalanǵan jaý batyrdyń  jan serigi tulparyn aıdap alyp ketedi. Jaýdyń bul áreketin estigen batyr aýrýdan tura sala , ishteı yza-kegi qaınap, jalańash denesine saýytyn  kıip,atqa qonady. Kúshikbaıdyń atyn urlaǵan óz rýynyń adamy bolǵan desedi.  Sóıtip, jaýyn birneshe qyrdan asyryp qýyp,  qaıtyp kele jatqanda, aýrýy asqynyp , bir tóbege kelip,qylyshyn jerge qadap,jan tapsyrǵan desedi. Sol tóbeshekti qazir "Kúshikbaı asýy" dep ataıdy. Bul mańda kóptegen aýrýlarǵa em bolǵan qasıetti,muzdaı sýyq, baldaı tátti bulaq ornalasqan.

   Albına Týmarova,  Semeı qalasy,Shákárim atyndaǵy Memlekettik ýnıversıtetiniń jýrnalıstıka mamandyǵynyń 3 kýrs stýdenti 

Sońǵy jańalyqtar