23 Shilde, 14:40 524 0 Jańalyqtar Túrkistan Gazeti

Aptap ystyq qashanǵa deıin jalǵasady?

Bıylǵy jaz mezgili barlyq aımaq turǵyndary úshin de ońaıǵa soqpaı tur. Alataýdyń etegindegi Almatynyń ózinde synap baǵanasy tańerteńgi ýaqytta – 27-29°S, al tús qaıta – 36-38°S-qa deıin kóterilýde.

Mamandar jaqyn kúnderde kún-raıy ózgermeı, shildeniń shilińgir ystyǵy tamyzda da jalǵasatynyn aıtady. Aptap ystyq jańa týǵan náresteler men egde jastaǵy adamdarǵa, densaýlyǵy syr bergen jandarǵa aýyr tııýde. Qalalyq jedel járdem qyzmetiniń ókilderiniń aıtýynsha shaqyrýshylardyń basym bóligi joǵaryda atalǵan azamattar eken. Almaty qalasy medıınalyq jedel járdem qyzmeti dırektorynyń mindetin atqarýshy Azamat Ámenov: «Ádette shaqyrtýlardyń jalpy sany táýligine 2400 bolsa, qazirgi tańda ol 2600-3000 shaqyrýǵa deıin kóbeıdi. Shaqyrtýlardyń basym kópshiligi júrek-qan tamyrlary júıesine baılanysty syrqaty bar naýqastardan túsedi. Solardyń qatarynda arterıaldy gıpertenzııamen, sýsamyrmen aýyratyn naýqastar da bar», – deıdi.

Almatyda mundaı ystyq sońǵy ret 2007 jyly tirkelgen. Jetekshi ınjener-sınoptık Dáýlet Kesebaev: «Eger termometr kórsetkishi 40°S-tan assa, onda bul klımattyq ózgeris bolyp sanalady. Shilde jyldyń eń ystyq aıy bolǵandyqtan, bul ádettegi jaǵdaıǵa jatady. Qalada eń ystyq jaz 1983 jyly tirkelgen. Ol kezde ystyq 43°S-qa jetken. Al sońǵy ret Almatyda 2007 jyly 39°S ystyq bolǵan», – deıdi.

Aptap ystyqtan eýropanyń birneshe aımaǵy men ońtústik Azııanyń biraz bóligi japa shegýde. Franııada kúnniń ysýyna baılanysty 4 myń mektep ýaqytsha jumysyn toqtatty. Eldiń birneshe aýdandarynda qaýiptiliktiń qyzyl deńgeıi jarııalandy. Mamandardyń aıtýynsha, elde aptap ystyq rekordtyq deńgeıge jetti. Osyǵan oraı jergilikti bılik aımaqta tótenshe jaǵdaılardyń aldyn alý sharalaryn qolǵa alǵan. Bundaı jaǵdaı Italııada da tirkelip otyr. Al Úndistannyń Chennaı qalasynda aptap ystyqtan aýyz sý qory taýsylǵan. Sonyń saldarynan Kóptegen mekemeler men qonaq úı, meıramhanalar jabylǵan. Dárigerlerdiń kómegine júgingen turǵyndar kóbeıdi. Jergilikti bılik tyǵyryqtan shyǵý úshin sýdy shtattyń ózge óńirlerinen tasyp álek. Biraq 6 mıllıon turǵyny bar qalany tolyq qamtý múmkin emes. Sondyqtan halyq arasynda narazylyq kúsheıgen. Bılik bolsa jaǵdaı tek jaýyn jaýǵan kezde ǵana túzeletinin aıtady. Al elde birneshe apta boıy aýa temperatýrasy 40 gradýstan túspeı tur. Eldiń soltústik shyǵysyndaǵy Bıhar shtatynda ystyqqa shydaı almaı otyzdan astam adam kóz jumǵan. Beıresmı derekterge súıensek Nıý-Delıde 50 gradýstyq synap baǵanasy tirkelgen.

Tegter Aýa raıy ystyq

Sońǵy jańalyqtar