18 Shilde, 13:22 467 0 Jańalyqtar Tańsulý ALDABERGENQYZY

Rýhanı jańǵyrýdyń ekinshi jyly

Elimizdiń Tuńǵysh prezıdenti, Elbasymyz N.Nazarbaevtyń «Bolashaq­qa baǵdar: Rýhanı jańǵyrý» atty baǵdar­la­malyq maqalasy jarııalanyp, qoǵamda qyzý talqylanyp kele jatqanyna ekinshi jyl. Onda qoǵamdyq sanany jań­ǵyr­týdyń naqty baǵyttary aıqyndalyp, ulttyq deńgeıdegi aýqymdy jobaǵa aınaldy. Ony qazaqstandyq qoǵamnyń qazirgi jáne aldaǵy uzaq merzimdi perspektıvasyndaǵy ıdeologııalyq platforma dese de bolady. Óıtkeni qoǵamdyq sanany jańǵyrtý ortaq áleýmettik qajettilikpen tyǵyz baılanysty. Qazaqstan azamattarynyń qoǵamdyq sanasynyń mazmuny olardyń múddeleri men ıdeıalaryna, qundylyq­ta­ry­na baılanysty bolǵandyqtan, máde­nıet, minez-qulyq, salt-dástúr, ǵylym men bilim, adamgershiligin qosa alǵandaǵy rýhanı negizderden bastaý alady. Osy rette básekege qabilettilik, pragmatızm, ulttyq biregeılikti saqtaý, ǵylym-bilimniń saltanat qurýy, evolıýııalyq damý men sana­nyń ashyqtyǵy ózimiz ómir súrip otyrǵan ǵasyrdaǵy ulttyq sanany jań­ǵyrtýdyń basty baǵytyna aınalyp otyr. Sonymen qatar QR prezıdenti jany­nan qurylǵan Qoǵamdyq sanany jań­ǵyrtý baǵdarla­ma­syn júzege asyrý jónindegi Ulttyq komıssııa eki jyldan beri atqarylǵan is-sharalardy baqylap, birneshe baǵyt-baǵdar usynǵan edi.

«Jańa gýmanıtarlyq bilim. Qazaq ti­lin­degi 100 oqýlyq», «Týǵan jer», «Qazaq­stan­nyń kıeli jerleriniń geografııasy», «Jahandaǵy qazaqstandyq mádenıet», «Qazaqstandyq 100 jańa esim» syndy baǵdarlamalar boıynsha kóptegen sharalar óz nátıjelerin berdi. Ásirese, «Qazaq­standyq 100 jańa esim» – «Rýhanı jań­ǵy­rýdyń» shyn mánindegi aýqymdy jobasyna aınaldy desek, artyq aıtqandyq bolmas. Qoǵamdaǵy ár salanyń kórnekti tul­ǵalary, ıaǵnı Táýelsizdik jyldarynda ár sala boıynsha tabysqa jetken, elge tanymal bolǵan óz isiniń sheberleri anyq­talyp, odan saıyn tanymaldana tústi. Olar­dyń is-tájirıbeleri alys-jaqyn shetel­dik kásipkerlerdi de qyzyqtyra túskeni anyq.

«Rýhanı jańǵyrýdaǵy» basa nazar aýdaratyn eki baǵyt, ol – ulttyq kod pen ulttyq mádenıet ekeni maqalada basa aıtylǵandyqtan, bul ekeýi saqtalmasa eshqashan rýhanı jańǵyrý da bolmaıtyny da belgili jaǵdaıat. Sondyqtan da «Rýhanı jańǵyrý» baǵdarlamasyn nasıhattaý men ony júzege asyrý jumysyna barlyq azamattyq qoǵam ókilderiniń atsalysýy zańdylyq. Bul rette elimizdiń, memleke­ti­mizdiń bolashaǵy úshin aldaǵy ýaqytta da baǵdarlamalyq baǵyt-baǵdarmen jumys isteı berý maqsaty tuǵyrdan túspeýi qajet.

T. Mırmanova

 

Sońǵy jańalyqtar