15 Shilde, 10:52 601 0 Óner Túrkistan Gazeti

«Baqytty bala»-lar mıllıoner atandy

Aqtóbede «Baqytty bala» vokaldyq konkýrsynyń jeńimpazdary anyqtaldy. 

Saltanaty shara barysynda  Aqtóbe oblysynyń ákimi Ońdasyn Orazalın óziniń quttyqtaýyn qazaq, orys, aǵylshyn tilinde jalǵastyryp, festıvalge qatysýshylar men jınalǵan kórermenderge, qazylar alqasyna alǵysyn bildirdi.

«Ár ata-ana úshin ómirindegi eń úlken baqyt – urpaq ósirý, bala tárbıeleý. Búgingi bala - eldiń erteńi, bolashaǵy, ulttyń jalǵasy. Qaı memleket bolmasyn bala tárbıesine erekshe kóńil bóletini sózsiz. Búgingi tańda elimizde balalardyń baqytty balalyq shaǵyn alańsyz ótkizýine arnalǵan kóptegen áleýmettik jobalar bar. Bıylǵy Jastar jylynyń aıasynda araıly Aqtóbemizdiń brendine aınalǵan «Baqytty Bala» ashyq balalar vokaldyq festıval-baıqaýy ıgi dástúrge aınalyp, ekinshi ret uıymdastyrylyp otyr. Sonymen birge, bul baıqaý óz ónerimen dúnıe júzin moıyndatqan dańqty jerlesimiz Dımash Qudaıbergenniń artynan ergen izbasarlaryna jol ashty. Byltyrǵy baıqaýda jas ánshi Erjan Maqsymnyń bas júldege ıe bolyp, qazirgi tańda úlken sahnalarda óner kórsetip júrgenin maqtanyshpen aıta alamyz. Bul baıqaý qanshama jas talanttardyń esimderin álemge tanytatyn dostyq mekenine aınaldy», - dedi oblys basshysy.

Bıylǵy jylǵy 10-14 shilde aralyǵynda Aqtóbe qalasynyń 150 jyldyq mereıtoıyna oraı oblys ákimdiginiń jáne «Dımash-Alı» prodıýserlik ortalyǵynyń qoldaýymen «Baqytty Bala - 2019» ekinshi balalar ashyq vokaldyq festıval-baıqaýy ótkizildi. Dástúrge aınalǵan baıqaýǵa qatysqysy keletin jastardyń sany jyl saıyn kóbeıip keledi. Festıvaldi uıymdastyrý komıteti Qazaqstan, Ózbekstan, Qyrǵyzstan, Reseı, Ýkraına, Belarýssııa, Moldova, Túrkııa, Greııa, Polsha jáne Kanadadan kelip túsken ótinishtermen qosa 500-den astam hattardy aldy

Bas júlde eki ónerpazǵa buıyrdy. Olar Reseıdiń Tıýmen qalasynan kelgen Islam Balkoev pen Nur - Sultan qalasynyń qatysýshysy Aıgerim Tileýbek. Olardyń árqaısysyna 1 mıllıon teńgeden syı berildi.

«Balalar keremet óner kórsetti. Sondyqtan biz qaısysyn tańdarymyzdy bilmeı, qınaldyq», - dedi ádilqazy múshesi Aıda Nıkolaıchýk. III-oryndy almatylyq Qaraqat Bashanova men qostanaılyq Isataı Bolathan, II-oryndy ýkraınalyq Darına Galıkaıa men aqtóbelik Ańsar Júsip, I-oryndy Reseıdiń Týla qalasynan kelgen Marııa Panıýkova men almatylyq Nurlybek Saparbaı ıelendi.

Úshinshi orynǵa 100 myń teńge, ekinshi orynǵa 150 myń teńge, birinshi orynǵa 250 myń teńgeniń sertıfıkaty berildi.

Aıta keteıik, jeńimpaz Aıgerim Tileýbek Dımashtyń bir konertinde án shyrqaıtyn boldy. Dımash Qudaıbergen gala konertte «Umytylmas kún» ánin oryndady.

Sońǵy jańalyqtar