1 Shilde 2019, 12:44 670 0 Ishki saıasat Dınara MYŃJASARQYZY

Ruqsat etilgen mıtıng ótti

Qazaqstannyń iri qalalary Almaty men Nur-Sultanda 30 maýsymda birneshe jyldan keıin alǵash ret ruqsat etilgen mıtıng ótti.

Almatydaǵy "Saryarqa" kınoteatrynyń artynda ótken mıtıngige 800-900-ǵa jýyq adam jınaldy. Al Nur-Sultandaǵy "Jeruıyq" saıabaǵynda ótken mıtıngige shamamen júz shaqty adam keldi.

Azattyq radıosy tilshileriniń habarlaýynsha, mıtıng ótetin jerlerde tańerteńnen beri ondaǵan polıııa kezekshilik etken. Biraq akııadan keıin eshkimdi ustamady.

Mıtıngide túrli máseleler onyń ishinde Arys oqıǵasy, memlekettik tildiń ahýaly, eldegi partııalar júıesi sııaqty máseleler kóterildi. Sharany uıymdastyrýshylar sóılegen azamattardyń dál ýaqytynda sózin aıaqtaýyn qadaǵalap otyrdy.

Almatydaǵy mıtıngte qoǵam qaıratkeri Rysbek Sársenbaıuly eldiń birinshi prezıdenti Nursultan Nazarbaevqa "sálem" joldap:

"Aqsaqal, 30 jyl boıy halyq moınyna minip keldińiz. Endi halyq moınynan túsińiz, bılikten tolyq ketińiz. Ózińizben birge bılik qolshoqpary bolǵan ishki ister mınıstri, ózge de sheneýnikterdi alyp ketińiz" dedi.

Astanadaǵy akııada belsendi Bolatbek Bilálov "19 naýryzǵa deıin biz "Shal ket!" dep aıǵaılap júrgen edik, endi "Shaldar ketińder!" dep aıǵaılaımyz" dedi.

Qazaqstan zańnamasy boıynsha elde mıtıng ótkizý úshin jergilikti bılikten ruqsat suraý qajet. Buǵan deıin birqatar belsendiler ákimdiktiń sherý ótkizý jaıly ótinishti kóp jaǵdaıda qanaǵattandyrmaıtynyn, elde sherý ótkizý qıyndyǵyn alǵa tartqan edi. Qazaqstan 2005 jyly qol qoıǵan Halyqaralyq saıası jáne azamattyq quqyq paktisine sáıkes, beıbit jıyn ótkizgisi kelgen azamattardyń bılikti tek eskertýi ǵana jetkilikti.

Sońǵy jańalyqtar