28 Maýsym, 14:32 635 0 Áleýmet Dınara MYŃJASARQYZY

5 mıllıon qazaqstandyqtyń ósimpuly keshiriledi

5 mıllıonnan asa qazaqstandyqtyń kepilsiz kredıtiniń ósimpuly men aıyppuldary keshiriledi. Bul týraly Premer-mınıstrdiń birinshi orynbasary - Qarjy mınıstri Álıhan Smaıylov aıtty, - dep habarlaıdy Tengrinews.kz tilshisi. 

"Tutynýshylyq kepilsiz nesıe alyp, aıyppuldar men ósimaqylary paıda bolǵan 5 mıllıonnan asa adam bar. Bul shamamen 48 mıllıard teńge. Aıyppuldar men ósimpuldardyń bári óteledi, dıskonty bar qarjy uıymdarynan Problemalyq kredıtter qory satyp alady. Kez kelgen adam úshin bul ótelgendi bildiredi", - dedi Smaıylov kýlýarda. Aıyppuldar men ósimpuldar bankterden de, mıkroqarjy uıymdarynan da alynady. Onyń aıtýynsha, negizgi qaryzdyń jabylý-jabylmaýyna qaramastan, aıyppul men ósimpul óteledi. Aıta keteıik, buǵan deıin qazaqstandyqtardyń nesıe boıynsha ósimpuly keshiriletini habarlanǵan bolatyn. Tikeleı jáne ataýly qarjylaı kómek retinde joǵaryda atalǵan sanattaǵy azamattar úshin memleket ekinshi deńgeıli bankter men shaǵyn qarjy uıymdarynan alynǵan jalpy mólsheri 300 myń teńgege deıin negizgi nesıeni jáne oǵan eseptelgen syıaqy ótelitini habarlanǵan. Keıin tabysy az qazaqstandyqtarǵa kredıt berýge tyıym salynady.

Sońǵy jańalyqtar