8 Mamyr 2019, 22:18 865 0 Óner Dınara MYŃJASARQYZY

«Meniń otbasym» baıqaýy ótti

2019 jyldyń 27 sáýirinde Qurmanǵazy atyndaǵy Qazaq ulttyq konservatorııasynyń úlken konerttik zalynda «Rýhanı jańǵyrý» jobasy aıasynda Otbasy kúnine oraı «Meniń otbasym» baıqaýy ótti. Baıqaýdy Qurmanǵazy atyndaǵy Qazaq ulttyq konservatorııasy Almaty qalasy «Rýhanı jańǵyrý» jobalyq keńsesimen birlese uıymdastyrdy.

Joba qala ákimi Baýyrjan Baıbek bekitken «Rýhanı jańǵyrý» baǵdarlamasynyń 2019 jylǵy is-sharalar jospary boıynsha júzege asyrylyp otyr. Baıqaýǵa konservatorııa stýdentteri jáne olardyń januıalary qatysty. Táýelsiz elimizdiń bolashaǵy jarqyn bolýy úshin jas urpaqtyń boıyndaǵy ulttyq bolmysty, joǵary adamgershilik qundylyqtardy saqtap qalý, qazirgi ǵalamtorsyz ómir súre almaıtyn jaǵdaıǵa kele jatqan zamanda jastarymyzdy vırtýaldy álemdegi ártúrli teris baǵyttaǵy toptardyń jáne arsyzdyqtardyń jeteginde ketirmeý, babalarymyzdan qalǵan úlgi-ónege, salt-dástúrlerimiz, rýhanı qundylyqtarymyzdy olardyń boıyna sińirý óte mańyzdy jumys ekeni aıan. Otan otbasynan bastalady deıdi atalarymyz. Adam negizgi tárbıesin januıada alatynyn eshkim joqqa shyǵarmaıdy. Sondyqtan «Rýhanı jańǵyrý» baǵdarlamasynda otbasy ınstıtýtynyń mártebesin saqtaý, kóterý isine basa nazar aýdarylǵan. «Meniń otbasym» baıqaýy osy baǵytta jasalyp jatqan jumystardyń ishindegi eń ózektileriniń biri.

Baıqaýdyń maqsattary:

  • Otbasylyq qarym-qatynastyń ońtaıly tájirıbesin nasıhattaý;
  • Jas urpaqtyń joǵary rýhanı-adamgershilik, áleýmettik jáne jekelik qasıetterin qalyptastyrý jáne damytý;
  • Zamanaýı otbasy beınesin qalyptastyrý jáne otbasynyń róli men mańyzyn arttyrý úshin jaǵdaı jasaý.
  • Qazylar alqasy:
  • Abatova Alma Abdraqyshqyzy – QR eńbek sińirgen qaıratkeri, «Ishekti aspaptar» kafedrasynyń professory.
  • Álmurat Nurǵısa Álmuratuly – ónertaný ǵylymdarynyń magıstri, kınorejısser, «Tumar» televızııalyq premııasynyń «Eń úzdik teleserıal rejısseri» nomınaııasynyń ıegeri.
  • Medeýbek Hangeldi Saǵatbekuly – T. Júrgenov atyndaǵy Qaz UÓA baspasóz qyzmetiniń basshysy, «Órkendi jastar» keńistiginiń qatysýshysy;
  • Ryskeldıeva Aıdana Erkinqyzy – «SNECC entertaiment». kompanııasynyń menedjeri;
  • Maqsutbaı Dana – «SNECC entertainment» kompanııasynyń menedjeri. Baıqaý nomınaııalary boıynsha kelesi stýdentter jeńimpaz atandy.
  • «SmArt family» nomınaııasy boıynsha - Baltabaı Saıddın «Aspaptyq oryndaýshylyq» fakýlteti, «Fortepıano» kafedrasynyń 2 kýrs stýdenti;
  • «Best design» nomınaııasy boıynsha - Qýandyqova Jazıra – «Mýzykataný, Art-menedjment jáne áleýmettik-gýmanıtarlyq pánder» fakýlteti, «Art-menedjment» kafedrasynyń 2 kýrs stýdenti;
  • «Best video» nomınaııasy boıynsha - Seıitqulov Ádilet «Halyq mýzykasy» fakýlteti, «Qobyz jáne baıan» kafedrasynyń 4 kýrs stýdenti;
  • «Creative family» Qajyǵalı Naryn - «Aspaptyq oryndaýshylyq» fakýlteti, «Fortepıano» kafedrasynyń 3 kýrs stýdenti;
  • «People's Choice Award» Kenjekeeva Daıana – «Vokal, dırıjerleý jáne mýzykalyq bilim berý» fakýlteti, «Dırıjerleý» kafedrasynyń 4 kýrs stýdenti.

Sońǵy jańalyqtar