8 Mamyr 2019, 13:59 772 0 Jańalyqtar Turkystan Support

Reseıde Álııa eskertkishi ashyldy

Jeńis kúni qarsańynda Reseıdiń Sankt-Peterbýrg qalasynda Keńes Odaǵynyń batyry, qazaq halqynyń dańqty mergen qyzy Álııa Moldaǵulovanyń eskertkishi ashyldy, -  dep habarlaıdy Nur.kz saıty.

Eskertkishtiń ashylýy saltanatynda Reseı Federaııasyndaǵy QR tótenshe jáne ókiletti elshisi Imanǵalı Tasmaǵambetov bul batyr qyzymyzdy máńgi este qaldyrý sharasy ǵana emes ekenin, osy arqyly barlyq Uly Otan soǵysy qaharmandaryna, onyń ishinde Lenıngradty qorǵaýshylarǵa qurmet kórsetilip otyrǵanyn jetkizdi.

«Soǵys tarıh qoınaýyna sińip, odan ári alystaı bermek. Alaıda túrli býyndar ókilderi sol bir surapyl jyldar men mıllıondaǵan adamnyń qaıǵy-qasiretin ár kezde de este saqtaıtyn bolady, – dep atap ótti ol. – 19 jasar Álııanyń elin qorǵaýdaǵy erligi óshpek emes. Ol óziniń snaıperlik qarýymen 78 fashıstiń kózin joıyp qana qoıǵan joq, bizdiń ortaq Otanymyz úshin sanaly túrde jastyǵy men ómirin qurban etti».

Imanǵalı Tasmaǵambetov reseılikterdiń batyrlar dańqy asqaqtatylýyna degen aınymas adaldyǵy men qurmetteri úshin alǵys aıtyp, osynaý kórneki orynǵa kelýshiler qazaqtyń batyr qyzy úshin bir kezderi ózi turǵan, oqyp, bilim alǵan batyr-qala Lenıngrad pen Reseı jeri qanshalyqty qymbat bolǵanyn shynaıy sezinip, aıqyn kóz jetkizetinine senim bildirdi.

Saltanatty rásimge qazaqtyń aıtýly ánshisi, Qazaq KSR-iniń halyq ártisi, óziniń án álemindegi tanymaldylyǵy jolyn «Álııa» ánin oryndaýmen bastaǵan Roza Rymbaeva men Álııanyń baýyry Sapar Moldaǵulov qatysty.

Batyr-qaladaǵy batyr qyzdyń eskertkishi qalalyq gúlzarlardyń birinde óziniń esimi berilgen kósheniń boıynda ornalasqan. Qoladan somdalǵan bıiktigi úsh metrlik músindik kompozıııa alqyzyl mármár-tuǵyr ústine qoıylǵan. Eskertkish Sankt-Peterbýrg qalalyq ákimshiliginiń, Reseıdegi Qazaqstan elshiliginiń, Aqtóbe jáne Atyraý oblystyq ákimdikteriniń birlese kúsh jumyldyrýynyń nátıjesinde eńse kóterdi. Shyǵarmashylyq jobanyń avtory – belgili qazaq músinshisi Edige Rahmadıev. Onyń aıtýynsha, jas ta symbatty batyr qyz beınesine onyń meılinshe jaqsy saqtalǵan, buryn esh jerde jarııalanbaǵan fotosýretteriniń biri negiz etilip alynypty. Monýmenttiń materıaldary negizinen Qazaqstan tarapynan jetkizilgen.

Osy kúni eskertkishtiń ashylýy qurmetine Sankt-Peterbýrgte memlekettik akademııalyq kapellanyń konerti uıymdastyryldy.

 

Sońǵy jańalyqtar