28 Naýryz 2019, 16:12 901 0 Syrtqy saıasat Aıaýlym SALYQJANOVA

EURONEWS: AQSh Kongresi Kreml saıasaty men Vladımır Pýtınge qarsy 4  jeke zań qabyldady

Birinshi zań Reseı prezıdentiniń qatysýymen ótkizilgen sybaılas jemqorlyq qylmystaryn ashýdy kózdeıdi. Ol úshin AQSh-tyń Ulttyq barlaý basshysy 6 aı ishinde Pýtınniń jáne onyń otbasynyń atyna tirkelgen dúnıe-múlikteri men qarjy qorlary týraly esep daıarlaýy, sondaı-aq, jemqorlyq qyzmetinde oǵan kómek kórsetip júrgen adamdardy anyqtaýy qajet.

Ekinshi zań Borıs Nemovtyń ólimine kináli adamdardy jaýapkershilikke tartyp, «ádildik pen ádilettilikke jetýdi» talap etedi. «Kongres ókilderi Reseıde demokratııa men adam quqyqtary úshin kúresken reseılik oppozıııa jetekshisi Borıs Nemovty óltirgeni úshin jáne onyń qylmystyq isin jaýyp-jasyrǵany úshin aıyptaıdy», – delingen qujatta. Qarar Nemov ólimin tergeý isine EQYU men Eýropa Keńesin shaqyryp, olardan qoldaý kútetindigin aıtady. Sonymen qatar AQSh-tyń Ulttyq barlaý basshysyna qylmystyń mán-jaıyn anyqtap, qatysýshylary týraly egjeı-tegjeıli esep daıyndaý jáne osy isti sheshý úshin Reseıdiń jasaǵan qadamdaryn baǵalaýdy mindetteıdi.

Úshinshi zań boıynsha AQSh úkimetine Qyrymdy Reseıdiń bóligi retinde tanýǵa tyıym salynady. Qujatta: «Memlekettik bir de bir departament te, agenttik te Qyrymdy Reseı Federaııasynyń qaramaǵynda etip tanytatyn, aımaqtyq sýlaryna ústemdik júrgizetin isterine jolamaýy jáne oǵan kómek kórsetpeýi qajet», – delingen.

Sońǵysy boıynsha, Ulttyq barlaý basshysy 3 aıdyń ishinde  Kreml jáne onyń jaqtastarynyń AQSh-qa qatysty nıetin baǵalap, esep daıyndaýy qajet. Atap aıtqanda, NATO múshelerine qarsy áleýetti áskerı is-qımyldardy anyqtaý, AQSh pen NATO-nyń Shyǵys Eýropadaǵy jáne Reseıdiń Batys elderimen qarym-qatynastaryn álsirete alatyn aımaqtardyń kóbeıý yqtımaldylyǵyn anyqtaý josparlanǵan.

Sońǵy jańalyqtar