24 Naýryz 2019, 13:25 891 0 Qoǵam Nazym Toılybaeva

Qujattardy aýystyrý talap etilmeıdi

Elorda ataýynyń Nur-Sultan bolyp ózgerýine baılanysty qujattardy aýystyrý talap etilmeıdi. Bul týraly  QR ÁM Baspasóz qyzmeti habarlady.

Qazaqstan Respýblıkasy Prezıdentiniń «Qazaqstan Respýblıkasynyń astanasy – Astana qalasyn Qazaqstan Respýblıkasynyń astanasy – Nur-Sultan qalasy dep qaıta ataý týraly» 2019 jylǵy 23 naýryzdaǵy Jarlyǵynyń qabyldanýyna baılanysty Ádilet mınıstrligi kelesini túsindiredi.

Astana ataýynyń ózgerýi azamattarǵa jyljymaıtyn múlikke quqyq belgileıtin kelesi qujattardy – satyp alý-satý, syıǵa tartý, aıyrbastaý sharty, paıdalanýǵa qabyldaý aktileri jáne basqa da qujattardy, sondaı - aq, azamattyq hal aktilerin tirkeý týraly qujattardy - týý, qaıtys bolý, neke qııý/buzý týraly kýálik jáne t. b. aýystyrý mindetin júktemeıdi.

Osylaısha, qujattarda astananyń burynǵy ataýynyń kórsetilýi olardyń jaramsyzdyǵyna ákep soqpaıdy.

Óz kezeginde, Ádilet mınıstrliginiń aqparattyq júıelerinde eldi mekenniń ataýy Astana qalasynan Nur-Cultan qalasyna avtomatty túrde ózgertiledi.

«Azamattarǵa arnalǵan úkimet» memlekettik korporaııasynyń fılıaldary, sondaı-aq, memlekettik organdar men uıymdar memlekettik qyzmet kórsetý kezinde qujattardy burynǵy tártippen  qabyldaıtyn bolady.

Quqyqtyq máseleler boıynsha keńes alý, 24 saǵat boıy qoljetimdi.

Quqyqtyq aqparattyq qyzmet kórsetý: Qazaqstan boıynsha 119 nómirine, Astana jáne Almaty qalalarynan 58-00-58 nómirine qońyraý shalýlaryńyzǵa bolady

WhatsApp: +77086935631.

Sońǵy jańalyqtar