21 Naýryz 2019, 11:02 1027 0 Nur Otan Ásel ÁNÝARBEK

Eń úlken jetistik – oıy ozyq jastardyń tárbıelenýi

Prezıdenttiń málimdemesi bárimiz úshin kútpegen oqıǵa boldy. Biz, qazaqstandyqtar, qazirgi ýaqytta shynynda da tarıhı sátte ómir súrip jatyrmyz. Sebebi Qazaqstannyń memlekettigin bekemdegen Elbasymen bir   komandada bolý – biz úshin zor mártebe. Táýelsiz Qazaqstannyń damýy,   órkendeýi baqytymyz dep sanaımyn. Keńes Odaǵy tusynda Ózbekstan,  Gúrjistan, Ýkraına elderi aldyńǵy qatarly elder sanaldy da, Qazaqstanǵa tek shıkizat qory retinde qarady. Alaıda táýelsizdik alǵannan keıin TMD  elderine ǵana emes, búkil álemge memleket bola alatynymyzdy dáleldedik.

Prezıdenttiń arqasynda qazaq halqy bıik belesti baǵyndyrdy. Qaı  salany alyp qarasańyz da, eshkimnen kem eńbek etip jatqan joqpyz. Indýstrııa, IT salasy, sport pen kınony meńgerýi – qazaq halqynyń memleket bolyp qalyptasqanynyń bir kórinisi. Táýelsizdik kezeńinde tárbıelengen, óz oıyn ashyq aıta alatyn býyn paıda boldy. Qazirgi jastar basqasha oılaımyz. Ár kezde óz ultymyzdy aldyńǵy orynǵa qoıamyz. Prezıdent aıtqandaı, memlekettiń eń úlken jetistikteriniń biri, sózsiz – Táýelsiz Qazaqstannyń oıy ozyq jastarynyń tárbıelenýi.

Danııar SÚNDETBAEV,

«Jas Otan» Jastar qanatynyń tóraǵasy

Sońǵy jańalyqtar