19 Naýryz 2019, 10:56 1074 0 Qaýipsizdik Nazym Toılybaeva

Ýlanǵandar sany 39-ǵa jetti

Shymkent ákimshiliginiń ókilderi № 54 orta mekteptegi jappaı ýlanýǵa qatysty pikir bildirdi,  dep habarlaıdy Tengrinews.kz.

«18 naýryzda 16:53-te № 54 orta mektepte belgisiz nárseden jappaı ýlaný tirkeldi. Dereý túrde tótenshe jaǵdaıdyń mán-jaıyn anyqtaý úshin komıssııa quryldy. Oqıǵa ornyna Tótenshe jaǵdaılar departamentiniń jedel toby, jedel járdem brıgadasy, ákimshilik qyzmetkerleri, quqyq qorǵaý organdarynyń ókilderi keldi. Japa shekkenderge alǵashqy medıınalyq kómek kórsetildi», - dedi ákimshiliktegiler.

Belgisiz zattan 4-7 synyptyń 22 oqýshysy, bir muǵalim, mekteptiń bir tehnıkalyq jumysshysy ýlanǵan. Olardyń bári de № 6 Shymkent qalalyq polıklınıkasynyń toksıkologııalyq bólimine jetkizildi.

«Oqýshylardyń ata-analarymen jumys nátıjesinde taǵy 15 baladan ýlaný belgisi anyqtaldy, olar da qazir aýrýhanada. Japa shekkenderdiń bárinde de - jeńil dárejedegi ýlaný. Mekteptiń barlyq oqýshysy men muǵalimi baqylaýǵa alyndy. Aýrýhanaǵa jetkizilgen 39 adam qajetti medıınalyq kómekti alǵan soń úılerine jiberildi», - delingen habarlamada.

Olardyń bári endi turǵylyqty jeri boıynsha ýchaskelik dárigerdiń baqylaýynda bolady. Jumys toby tótenshe jaǵdaıdyń sebebin anyqtaý boıynsha jumysty jalǵastyrady. Mekteptiń jáne onyń aınalasyndaǵy aýanyń synamasy alyndy. Mektepte tabıǵı gazdyń shyǵýy jaıly aqparat rastalǵan joq. Jaǵdaıdy qala ákimi óz baqylaýyna aldy.

Sońǵy jańalyqtar