10 Naýryz 2019, 16:10 956 0 Qoǵam Nazym Toılybaeva

Jańaqorǵanda sıyr 3 buzaý týdy

Qyzylorda oblysy Jańaqorǵan aýdanyna qarasty Birlik aýylynyń turǵyny Álimhan Danııarovtyń sıyry birden úsh buzaý týdy. Bul - sırek kezdesetin qubylystyń biri, dep habarlaıdy QazAqparat.

Álimhan Danııarov mal ósirýmen aınalysady. Bıyl qara sıyry birden úsh buzaý týyp, eldi tańyrqatyp otyr. Qazaq halqynyń tynys-tirshiliginde mundaı jaǵdaı kezdesip jatady.

«Buzaýlardyń jaǵdaıy qalypty boldy. Ekeýi birden-aq aıaǵynan turyp ketti, úshinshisine emizdik arqyly sút berdik», - dedi Álimhan Danııarov.

Qazaq halqynda maldyń amandyǵy úshin artyq týǵanyn jaqyn-jýyǵyna taratyp beretin yrym bar. Aýyl turǵyny da osyndaı yrymǵa súıenip, tanystaryna eki buzaýdy úlestirdi. Bul jaǵdaı jergilikti veterınarııa mamandaryn da tańǵaldyryp otyr.

Mundaı jaǵdaı Qyzylorda oblysynda alǵash ret tirkelip otyrǵan joq. 2013 jyldyń qarasha aıynda Shıeli kentinde de sıyr úsh buzaý týǵan edi.

Sondaı-aq, eki jyldaı buryn áleýmettik jelide elimizde tórt buzaý týǵan sıyr týraly vıdeo taralǵan bolatyn.

 

Sońǵy jańalyqtar