7 Naýryz 2019, 12:42 1240 0 Qoǵam Názııa JOIaMERGENQYZY

JASTARǴA ARNALǴAN IT-HAKATON

Oralda múmkindigi shekteýli jas IT-mamandarǵa arnal­ǵan hakaton ótti. Is-shara «Erekshe Tańdaý-Shelek» Kor­poratıvtik qory, «Moıy­maıtyn Múgedekter Qoǵamy» Qoǵamdyq birlestigi, «Samruk-Kazyna Trust» áleýmettik jobalardy damytý qorynyń birlestigi men «Shevron» kompanııasy jáne «Ortalyq Azııanyń Evrazııa Qory» Korporatıvtik qorynyń qoldaýymen uıymdastyryldy.

Hakatonnyń negizgi maqsaty – ınklıýzıvti toppen birge  IT tehnologııalar arqyly múmkindigi shekteýli jandarǵa qatysty áleýmettik máselelerdi sheshetin jańa jáne erekshe joldar oılap tabý.

«Shevron» kompanııasy Qazaqstan azamattarynyń shyǵarmashylyq jáne ǵylymı áleýetin damytýǵa erekshe mán beredi. Áleýmettik ınvestıııalar aıasynda, biz jastardyń barlyq qabiletterin jan-jaqty ashýǵa múmkindikter jasaýǵa tyrysamyz. Osy jobamyz jetistikke toly jáne jastardyń ekonomıkalyq múmkindikterin ulǵaıtatynyna senimimiz mol», – deıdi kompanııanyń ókili Janar Koshpanova.

Baıqaýǵa jas kásipkerler IT ázirleýshiler, ınjenerler, JOO jáne kolledj stýdentteri, sonymen qatar barlyq deńgeıdegi marketologtar, dızaınerler jáne menedjerler qatysty.

Besinshi  hakatonnyń jáne jalpy respýblıkalyq konkýrstyń nátıjesi boıynsha 16 eń úzdik top 2019 jyly 2-6 sáýir aralyǵynda IT salasy boıynsha oqytý kýrsynan ótedi. Ol úshin Almaty qalasynda «Taý Turan» bilim berý-saýyqtyrý kesheninde ótkiziletin  IT lagerge joldama alady, sonymen qatar jobany damytýǵa 2 000 000 teńge jalpy kólemindegi grant beriledi.

Sońǵy jańalyqtar